Skip to main content
Monthly Archives

March 2015

පින්වත් කළණ මිතුරකුගේ දායකත්වයෙන් කුරුණෑගල මහ රෝහලට රෝද පුටු දෙකක් පරිත්‍යාග කල වගයි …

By All Posts

රොෂාන් මහතා පින්කම් දෙකක් වෙනුවෙන් රු50,000/- ක් එවා මේ පින්කම වෙනුවෙන් ඉන් රු 22,000/- ක් වැය කලා.

රෝද පුටු පරිත්‍යාග කිරීම මහා පින්කමක්. මේ බලන්න.

සැරයටි, කිහිලිකරු, රෝද පුටු පූජා කිරීමේ අනුසස් හයක් බුදු දහමේ සදහන් වෙනව

පුත්තා මය්හං බහු හොන්තී – තාසෝ මය්හං න විජ්ජති

අප්පසය්හෝ සදා හෝමි – සබ්බාරක්ඛේහි රක්ඛිතෝ

ඛලිතම්පි න ජානාමි – අහන්තං මානසං මම

  1. සෑම ආත්මභාවයකදීම යහපත් කීකරු දරුවන් ලැබීම.

  2. කවර කරුණක් නිසාවත් තැතිගැනිමක් ඇති නොවීම.

  3. සතුරන් විසින් සිදුකරනු ලබන විපත්තිවලින් වුවද තමන්ට හොඳක්ම වීම.

  4. පින විසින් ම තමා ආරක්ෂා කිරීම.

  5. තමන්ගෙන් තව කෙනෙකුට වරදක් නොවීම.

  6. සිතේ පසුතැවිලි ගති ඇති නොවීම.

මීට අමතරව ඔබට කිසිම කලෙක අතුරු ආන්තරාවක් වෙන්නෙ නැහැ. හැම විටම ඔබට සිදුවන අනතුරු වලින් ආරක්ෂා වෙනව. විශේෂයෙන්ම රෝහලකට රෝද පුටුවක් පරිත්‍යාග කරනව කියන්නෙ කියල නිම කරන්න බැරි තරම් මහ පින්කමක්. ඔය රෝද පුටු කැඩිල බිදිල යන අවස්ථාව දක්වා කීදෙනෙක් නම් රෝගීන්  ඔය පුටු මත එහාට මෙහාට යයිද? ඉතින් ඒ අයට සිදුවන්නෙ මහා සේවයක්. රෝද පුටුවෙ රෝදයක් කැරකෙන වාරයක් පාසා ඔබට මොන තරම් නම් පින්කමක් සිදුවෙනවද කිව්වෙත් ඔබට රන් දෝලා පහල වෙන්න තරම් මහා පින්කමක් මේක.

මේ වෙනුවෙන් මුදල් ලබාදුන් රොෂාන් මහත්මයාණෙනි  ඔබතුමා මා හදුනනවා තබා කටහඩ වත් අහල අත්තෙ වරක් දෙවරක් පමණයි. ඒත් මාව විශ්වාස කල ඔබතුමා අදවන විට සුවිශාල මුදල් ප්‍රමාණයක් ලබාදීල තියෙනව. ඔබතුමා සිදුකල මේ පරිත්‍යාගය නිසා කී දෙනෙක් නම් ජීවිත බේරා ගනීද ? කී දෙනෙක් පහසුව ලබයිද? ඉන් ජනිතවන මහා පුන්‍යස්කන්ධයෝ ඔය රෝද පුටු කැඩිල විසික්ක කරනකල් ඔබට ගොඩනැගෙනව. ඉතින් හරියට ස්ථාවර තැන්පතුවකින් අඛණ්ඩව පොලිය ජනිතවනව වගේ. කිසියම් දිනක කුමන රෝගයකින් හෝ පීඩා වින්දොත් වහාම මේ පින්කම සිහිපත් කරන්න. ක්ෂණික සහනයක් ලබා දෙන්නට තරම් මේ සිදුකල පරිත්‍යාගය මහා ආශ්චර්යජනකයි. මේ පින් බලෙන් ඔබේ සියලු ප්‍රාර්ථනාවන් ඉටුවේවා. යන එන සියලු ගමන් වලට ඇති බාධාවෝ හිරුදුටු ගණදුර මෙන් විද්වංසනය වේවා. ගිනි දුටු  ඉටි මෙන් ඔබේ සියලු බාධාවෝ විනාශ වේවා.  අනන්ත බුදුගුණ සිහිපත් කරමින් අප සිදුකල මේ පින්කම බොහෝම පිරිසිදු සිතින් කල එකක්. ඉන් අපමණ ඵල ලැබේවි. සියලු කටයුතු අතිශයින් සාර්ථක වේවා. වැඩි වැඩියෙන් පින්කම් කිරීමට වැඩි වැඩියෙන් මුදල් ලැබේවා. ධන සම්පත් සමග ආධාත්මික වර්ධනයත් ඇතිවී රහසින් වත් වරදක් කරන්නට සිත් පහල නොවේවා. සසර පුරාවටම සතර වරම් දෙවියන් සතර වටින් ආරක්ෂා කරත්වා. සසර පුරාවටම කළණ මිතුරන්ම මුනගැසේවා.නිවන් දක්නා ජාති දක්වා නැහැ බැහැ කියන වචනයක්වත් අහන්නටවත් නොලැබේවා. සුමේධා දයාබර බිරිදටත්, තෙනුක පුංචි පුතුටත්, පවුලේ සියලු දෙනාට මේ පින් ඒකාකාරවම ලැබේවා.  සියලු කරදර රෝ දුක් දුරුවේවා. පුතුගේ අධ්‍යාපන කටයුතු සිතන පතන අයුරින්ම සාර්ථක වේවා. කෙලවර අමාමහ නිවනින් සැනසෙන්නට මේ පින් හේතුවාසනා වේවා.

කෙලවර ජාතියක් ජරාවක් නැති අමා මහ නිවනින් සියලු දෙනාටම සැනසීම උදාවේවා …

බෞද්ධ සන්නිවේදනය සදහා වූ ජාත්‍යන්තර පදනම වෙනුවෙන් මම එරන්ද ලක්මාල්ද සිල්වා

 

 

රෝදපුටු දෙවන වටය - කුරුණෑගල රෝහල

රෝදපුටු දෙවන වටය – කුරුණෑගල රෝහල

මාවනැල්ල නීග්‍රෝධාරාමයේ ධර්මශාලාව ගොඩනැගීම සදහා රු 50,000/- ක් ගෞතම බුදුසසුනට පූජාකල වගයි …

By All Posts

එන්න අපේ වෙබ්අඩවියට
www.ifbcnet.org

අපේ බ්ලොග් එක පුරාමත් විස්තර තියෙනව.
www.sasuna.blogspot.com

අපේ සංවිධානයෙ ෆේස්බුක් පේජ් එක .
www.facebook.com/buddhist.foundation

බෞද්ධ සන්නිවේදනය සදහා වූ ජාත්‍යන්තර පදනමේ ක්‍රියාකාරී නිලධාරිනියක් වන පින්වත් සොහොයුරියකගේ දායකත්වයෙන් මාවනැල්ල නීග්‍රෝධාරාමයට අද අපි රු 50,000/- ක් පරිත්‍යාග කලා. පින්වත් අපේ සොහොයුරිය නම සදහන් කිරීමට අකමැති නිසා අපි එතුමියගේ නම සදහන් නොකර ඉන්නව. හදිසියේ ඔවුන්ගෙන් වෙන් වූ දයාබර ස්වාමි පුරුෂයාට පින් පැමිණවීමත්, සිය එකම පුතුගේ අධාපන කටයුතු සාර්ථක කරගැනීමත්, බෞද්ධ සන්නිවේදනය සදහා වූ ජාත්‍යන්තර පදනමේ ලෝක ශාසනික සේවාවාන් වඩ වඩාත් දියුනුවේවායි ප්‍රාර්ථනා කරමින් අදාල මුදල් පරිත්‍යාග සිදුකලා. විහාරාධිපති ත්‍රිපිටකාචාර්ය පූජ්‍ය කහවන්දල කස්සප අපේ පූජණීය ස්වාමීන් වහන්සේ විහාරස්ථ දායක සභාව වෙනුවෙන් එම මුදල් භාරගනු ලැබුවා.

පින්වත් යාලුවනේ මේක සුලු පින්කමක් නෙවෙයි. අටමහ කුදල්වලට අයත් පින්කමක්. මේ බලන්නකෝ.

කඨිනට්ඨ පරික්ඛාරං
වාසදානංච උත්තමං
බුද්ධ පමුඛ සංඝස්ස
දානං ධම්මස්ස ලේඛනං
ඛෙත්ත දානං ච බුද්ධස්ස
පටිමා කාරණං පිච
කරණං වච්චකුටියා
අට්ඨ පුඤ්ඤාති චුච්චරේ (කඨින විනිශ්චය)

Read More

පින්වත් කළණ මිතුරු මිතුරියන්ගේ දායකත්වයෙන් කුරුළණෑගල මහ රෝහලට රෝද පුටු තුනක් පරිත්‍යාග කල වගයි …

By All Posts

එන්න අපේ බ්ලොග් අඩවියට

www.sasuna.blogspot.com

අපේ සංවිධානයෙ ෆේස්බුක් පේජ් එක ‍ෙම්ක.

www.facebook.com/buddhist.foundation

2015 මාර්තු මස 11 වැනිදා ( අද දින ) කුරුණෑගල මහ රෝහලට රෝද පුටු තුනක් පරිත්‍යාග කලා. මේ වෙනුවෙන් මිතුරන් දෙදෙනෙකු හා පින්වත් මිතුරියක් මුදල් එවා තිබූ අතර තවත් පින්වත් මිතුරියක් රෝද පුටුවක් ලබාදුන්නා.

ජනක පී ලියනගේ මහතා පින්කම් දෙකක් වෙනුවෙන් රු 22,000/- ක් එවා තිබූ අතර ඉන් රු 11,000/-ක් මේ පින්කම වෙනුවෙන් වෙන් කලා.

එම්.ටී.එල්.පී පෙරේරා මහතා වෙනුවෙන් අමල් ආර් මහගෙදර මහතා විසින් පින්කම් දෙකක් සදහා එවූ රු 15,000/- ක මුදලින්  රු 11,000/- ක් මේ වෙනුවෙන් වෙන් කලා.

ලේක්හවුස් ආයතනයේ සංස්කාරක වරියක ලෙස කටයුතු කරන අයන්ති විතාන මහත්මිය රු 1000/-

ඊට අමතරව වෙනූෂා පොතුහැර පින්වත් සොයුරිය විසින් රෝදපුටුවක් පරිත්‍යාග කලා.

Read More