එන්න අපේ වෙබ්අඩවියට
www.ifbcnet.org
අපේ බ්ලොග් එක පුරාමත් විස්තර තියෙනව.
http://www.sasuna.blogspot.com/
අපේ සංවිධානයෙ ෆේස්බුක් පේජ් එක
www.facebook.com/buddhist.foundation
පසුගිය කාලයේ අපි කොරෝනා හේතුවෙන් බොහෝ විහාරස්ථාන රැසකට වියලි සලාක රැගෙන ගියා. පොල්පිතිගම ප්‍රදේශයේ පන්සල් සදහා සලාක බෙදන අවස්ථාවේ ඉන්සියුලින් නොමැතිකම නිසා දැඩිව ගිලන්ව සිටි හිමිනමක් වෙනුවෙන් අපි ඉන්සියුලින් ලබා දී උන් වහන්සේ සුවපත් කලා. ඒහෙත් දිනපතා ඉන්සියුලින් අවශ්‍ය නිසා පින්වත් බොහෝ පිරිසක් උන් වහන්සේ වෙනුවෙන් උදව් උපකාර කලා …
සිදත් චාමර මහතා——————රු 25,000.00
උපේන්දා රනසිංහ අක්කා———-රු 19 247.53
මනුර නානායක්කාර මහතා——-රු 10000.00
සදරුවන් හීනපිටිය මහතා———රු 10000.00
තාරක රොශාන් මහතා————–රු 8060.00
රන්ග ගමගේ මහතා—————–රු 6500.00
උපේන්ද්‍රා රණසිංහ මහත්මිය——–රු 5084.00
දුලානි ශාලිකා නංගි——————රු 5,000.00
තාරක මම්පිටියආරච්චි මහතා——රු 5000.00
තාරක මම්පිටියආරච්චි මහතා —–රු 5000.00
ජයනාත් නානායක්කාර මහතා—–රු 4000.00
තිලින සේනානායක මල්ලි————රු 4000.00
චන්දිම සුමනතුංග මහතා————රු 2000.00
හිතාෂි පිටිගල මහත්මිය————-රු 2000.00
දමිත් රනසිංහ මහතා—————-රු 2000.00
දීප්තිකා ධර්මපාල මෙනෙවිය——–රු 2000.00
නිශාන්ත ගුණරත්න මහතා———රු 2000.00
බණ්ඩාරවෙල නංගි——————-රු 1000.00
තරිදු වික්‍රම සිංහ මහතා————-රු 1000.00
හිරන්ත මදුසංක මහකා————–රු 500.00
අශාන් චාරුක මහතා—————–රු 500.00
නෙත්මි වාසනා මහත්මිය————-රු 500.00
—————————————————-
ලද මුලු මුදල ——————–රු120,391.53
ඒ් සයලු මුදල් ස්වාමීන් වහන්සේගේ ගිනුමට ලබා දුන්නා …
ඉතා දිළිඳු අන්ත අසරණයාටද පොහොසත් වංශවතාටද නිවන්මඟට පිළිපන් ප්‍රතිපත්ති පූරණය කරන භික්ෂූන් වහන්සේට සහ අතිඋතුම් ලෝකෝත්තර මගඵලලාභී ක්ෂීණාශ්‍රවයන් වහන්සේටද යන කවර තරාතිරමක අයකු හට වුවත් ගිලන් වූ කල වෙනත් අයකුගේ උපස්ථානය පැතීමට සිදුවේ. භික්‍ෂු සමාජයේ කිසිවකුට රොවින් පෙළෙද්දී පිහිටක් නොවී සිටීමට කිසිදු අවසරයක් නැත. “යො ගිලානස්ස උපට්ඨපේති සෝ මං උපට්ඨපේති” යමෙක් ගිලනුන්ට උවටැන් කරයිද හෙතෙම තමන් වහන්සේට උපස්ථාන කළා හා සමානයි යන බුදුවදනෙන් ද අවධාරණය කරන්නේ රෝගියකුට උපස්ථාන කිරීම එතරම්ම ගෞරවාන්විත හා සදාචාරාත්මක සද්කාර්යක් බවයි. එහිදී ඥාති බන්ධු මිත්‍රාදී හා ස්වකීය පරපුරේ යැයි සිතා තෝරාගත් රෝගී පිරිසකට පමණක් උපස්ථානය සීමා නොකළ යුතුය.
තරාතිරම නොබලා දයාවෙන් පිරි සිතින් රෝගීන්ට උවටැන් කළ යුතු වන්නේ කවර හෝ මොහොතක තමන් ද රෝගියකු විය හැකි බැවිනි. එවන් විටකදී කවරකුගේ හෝ සරණක් පැතීමට තමන්ටද සිදුවන නිසාත් රෝගියකුට උවටැන් කිරීමෙන් ජීවිතයේ පවත්නා අනිත්‍ය, දුක්ඛ, අනාත්ම යන ත්‍රිලක්‍ෂණය පිළිබඳව ප්‍රත්‍යක්‍ෂ වශයෙන් අවබෝධ කර ගැනීමට අවස්ථාවක් ලැබෙන නිසාත් රෝගීන්ට කරන උපස්ථානය තමන්ටද මහත් සේ උපකාරවත්ය. පූතිගත්තතිස්ස තෙරුන් වහන්සේට තථාගතයන් වහන්සේ සියතින්ම උවටැන් කිරීමෙන් ගිලානෝපස්ථානයේ වැදගත්කම ආදර්ශයෙන්ම පෙන්වා දුන් සේක.
උවටැන් කිරීමේදි නිවැරැදි ඖෂධය නිසි පරිදි පාවිච්චි කළ පමණින්ම හෝ උපස්ථාන කරන කෙනා යහපත් වූ පමණින්ම රෝගියකු සුවපත් නොවේ. ඒ සඳහා රෝගියා අතින් ද යම් කාර්යභාරයක් ඉටුවිය යුතුය.සංයුක්ත නිකායේ ගිලාන සූත්‍රයෙහි, ගිලනකු විසින් අත්හරිනු ලැබිය යුතු කරුණු පහක් ද අනුගමනය කළ යුතු කරුණු පහක් ද දක්වා ඇත. එයින් පෙනී යන්නේ රෝගියකු වටිනා ප්‍රතිපත්ති කිහිපයක් පුරන පරිද්දෙන් රෝගය දුරුකර ගැනීම සදහා කරුණු කිහිපයක් අනුගමනය කළ යුතු බවයි. රෝග සුවය වෙනුවෙන් කැපවිය යුතු බවයි.අත්හළ යුතු ගතිගුණ අතර මුලටම එන්නේ ‘අසප්පායකාරි හොති” (ලෙඩට අහිතකර දෑ කරන සුළු) යන්නය. අනුගමනය කළ යුතු ඊට සමගාමී යහපත් ගතිගුණය වන්නේ ‘සප්පායකාරි හොති’ (ලෙඩට හිතකර දෑ කරන සුළු) යන්නය. ව්‍යාධියක් වැළඳුණූ පසු පළමුව කළ යුත්තේ ඊට අහිතකර දැයින් වෙන්වීමයි. එසේ නොමැති වුවහොත් කොතරම් ප්‍රතිකාර කළත් ඉන් ඵලක් නොලැබේ. ගිරිමානන්ද සූත්‍රයේ සඳහන් චක්ඛු රොගො, සොත රොගො, ඝාණරොගො, ජීව්හා රොගො, කායරොගො, සීසරොගො, කණ්හ රොගො, මුඛ රොගො, දන්තරොගො යනාදි වශයෙන් දැක්වෙන ව්‍යාධි ජීවිතයේ කවර හෝ මොහොතක වැළැඳිය හැකිය. එසේ වැළැඳුණූ යම් රෝගයක් ගැන නොසිතා නොතකා උණුදිය ඇල්දිය ආදිය සිතු සිතුසේ පාවිච්චි කරමින් ,අව්ව වැස්ස පින්න ගැන නොතකා, අපත්‍ය ආහාර ගනිමින් නොගිලනකු සේ හැසිරීමෙන් ප්‍රතිකාරයේ නියම ප්‍රතිඵල ලබා ගැනීමට නො හැකිය. රෝගයට හිතකර දෑ පමණක් ගනිමින් හැමවිට රෝගයට ඔරොත්තු දෙන විලසින් දෛනික චරියාව ක්‍රියාත්මක කිරීම මින් අවධාරණය වේ.
ගිලනකු අත්හළ යුතු දෙවැනි ගතිගුණය ලෙස සඳහන් වන්නේ, ‘සප්පායෙ මත්තං නජානාති’ (හිතකර දෙයෙහි ප්‍රමාණය නොදන්නේය) යන්නයි. ඊට සමගාමීව රෝගියා කළ යුතු වන්නේ ‘සප්පාය මත්තං ජානාති’ (හිතකර දෙයෙහි ප්‍රමාණය දැනීම) යන්නය. ව්‍යාධියේ සුවතාව පිණිස යම් ආහාරපාන, බෙහෙත්හේත්, ඇවතුම් පැවැතුම් හිතකර වුණත් ඒවායෙහි ප්‍රමාණය ඉක්මවා ගැනීමෙන් එකී රෝගය උත්සන්න වෙයි. සමහරවිට රසයෙහි ගිජුකම නිසා ප්‍රමාණයට වඩා ආහාර ගැනීමෙන්, ඉක්මනින් සුවවීමට සිතා පමණට වඩා ඖෂධ ගැනීමෙන් සුවකළ නොහැකි අසාධ්‍ය රෝගියකු විය හැකිය. ඒ නිසා හිතකර දෙයෙහි ප්‍රමාණය දැනගෙන කටයුතු කිරීම ඉතාමත් යෝග්‍යය.
ගිලනකු හට අයෝග්‍ය වන තෙවැනි කරුණ නම් “භෙසජ්ඣං නසේවි හොති (බෙහෙත් නසෙවියේ වේ) යන්නයි. ඊට සමගාමීව තමන් තුළ ඇතිකර ගත යුතු ගුණය නම් “භෙසජ්ඣං පටිසෙවනාති‘ (බෙහෙත් සෙවියේ වේ) යන්නයි. සමහර රෝගීන් බොහෙත් පිළිකුල් යැයි සිතා ද වමනය ඔක්කාරය වන්නේ යැයි කල්පනා කිරීමෙන්ද දුගඳ හමන්නේ යැයි හෝ අමීරස, තිත්තරස හෝ යැයි සිතාද නිශ්චිත බෙහෙත පාවිච්චි නොකරයි. ඇතැම්විට ඉවත දමයි. වෛද්‍ය උපදෙස් අනුව උපස්ථායක ඇතැම්විට ඉතා අසීරුවෙන් සකස් කරගෙන සැලකිල්ලෙන් ලබාදෙන ඖෂධය රෝගියා ප්‍රතික්ෂේප කරන්නේ නම් රෝගය සුවවේද? ඒ නිසා පවතින රෝගී තත්ත්වය අනුව අකැමැත්තෙන් වුවත් නියමිත බෙහෙත ලබාගැනීමට සිදුවේ. සතර නිශ්‍රය දේශනා කිරීමේදී පුතිමුත්ත භෙසජ්ක්‍ධං නිස්සාය පබ්බජ්ජා (ගවමුත්‍රාදී ඖෂධයෙන් පවා භික්‍ෂුව යැපිය යුතුය) යන සම්බුදුවදනින්ද රෝගියකු කටුක ඖෂධයෙන් වුවත් යැපෙන්න වගබලාගත යුතු බව ගම්‍ය වෙයි. භේසජ්ඣඛන්ධකයට අනුව, පවතින රෝගී තත්ත්වය නිසා වලස්තෙල්, මත්ස්‍ය තෙල්, කිඹුල්තෙල්, ඌරුතෙල්, කොටළු තෙල් පවා කකාරවා පරිභෝජනය කිරීමේ යුක්ති යුක්ත භාවය පෙන්වා ඇත.මේ තරම් කඨෝර ඖෂධ සමහර රෝගීන් ඇතැම්විට ජුගුප්සාජනක විය හැකිය. එසේ වුවත් වැළැඳී ඇති රෝගයේ අසාධ්‍යතාව අනුව එය වුවත් පරිභෝජනය කිරීමට සිදුවේ.
‘අත්තකාමස්ස ගිලානුපට්ඨාකස්ස න යථා භූතං ආබාධං අවිතක්කකො හොති’ (රෝගියාගේ හිත කැමැති ගිලාන උපස්ථායකයා හට වැඩෙන රෝගය, සන්සිඳුණු රෝගය නොකියන්නේ වේ) තමන්ගේ රෝගයේ වත්මන් තත්ත්වය රෝගියාගේ සුවය අපේක්‍ෂා කරන උපස්ථායක හට නොදැන්වීම ගිලනකු තුළ තිබිය යුතු යහපත් ලක්‍ෂණයක් නොවේ. ඒ වෙනුවට අනුගමනය කළ යුතු වන්නේ ‘අත්තකාමස්ස ගිලානුපට්ඨකස්ස, යථාභූ®තං ආබාධං ආචික්ඛන්තො හොති’ (රෝගියාගේ හිත කැමැති උපස්ථායකයාට තම වැඩෙන රෝගය වැඩෙන බවත් සන්සිඳුණූ රෝගය සන්සිඳුණූ බවත් ප්‍රකාශ කරන්නේ වේ) යන සිව්වැනි හොඳ ගුණාංගයයි. ඒ ඒ ඖෂධවලින් ඒ ඒ වාරයේදී රෝගය සන්සිඳුණු ප්‍රමාණය, අඩුවැඩි වශයෙන් පවතින ප්‍රමාණය නිශ්චිත වශයෙන් උපස්ථායකයාට ප්‍රකාශ කිරීම ඉතා වැදගත්ය. ඖෂධ අඩුවැඩි වන්නේ්ත්, බෙහෙත් දෙන වාර ගණන අඩුවැඩි වන්නේත්, අලුතෙන් බෙහෙත් වර්ග අඩුවැඩි වශයෙන් මිශ්‍රණය වන්නේත් මේ ප්‍රකාශ කිරීම නිසාය. ඊට අනුව රෝගියා තමන්ගේ රෝගය තමන්ට දැනෙන ආකාරය ගැන නිශ්චිත ප්‍රකාශයක් කිරීමට සිහිනුවණ එළවාගත යුතුය.
මෙම ගිලාන සූත්‍රයේ’ රෝගියකු අත්හළ යුතු පස්වැනි කාරණය, වශයෙන් සඳහන් වන්නේ ‘උප්පන්නංවා ශාරිරිකානං අමනාපානං පානහරනං අනධිවාසක ජානකො හොති’ (උපන් දුක් හෝ තීව්‍ර වු රළු වු කටුක වු අමධුර වු අමනාප වූ ප්‍රාණහරණ වු ශාරීරික වේදනාවන් නො ඉවසන සුළු) යන්නයි. සමගාමීව තමන් තුළ පිහිටුවාගත යුතු ගුණාංගය වන්නේ, උපන්නා වු තීව්‍ර වූ රළු වූ කටුක වූ ශාරිරික වේදනා ඉවසනාසුළු වීමයි. රෝගයෙන් හටගන්නා බරපතළ වේදනාව වුව ඉවසීමේ ගතිය නියත වශයෙන් පැවැතීම රෝගියකුගේ සුවිශේෂ ලක්‍ෂණයක් බව නොකිවමනාය. රෝගයෙන් දැනෙන වේදනාව ඉවසිය නොහැකිව සමහරුන් කෑගසමින් නොයෙක් අසභ්‍ය වදන් කියමින් උමතුවූවන් ලෙස හැසිරීම කිසිසේත් අනුමත කළ නොහැකිය. සමහරු වේදනාව ඉවසිය නොහැකිව සියදිවි පවා නසාගනිති.
එවැනි පටු ක්‍රියා බුදුරජාණන් වහන්සේ කිසිසේත් අනුමත නොකළහ. ඉවසීම පාරමිතාවක් ලෙසත් වේදනාව අනුපස්සනාවක් වශයෙනුත් අනුදැන වදාළේ එබැවිනි. ඉහත කරුණට අනුව ඉවසීම හෙවත් ක්‍ෂාන්තියත්,වේදනානුපස්සනාවත් රෝගියකු විසින් මෙනෙහිකළ යුතුය. මෙම අනුගමනය කළ යුතු යහපත් ගතිලක්‍ෂණ පහ සහ අත්හළ යුතු පස්වැදෑරුම් ගතිගුණ ගැන සැලකිලිමත් වීමෙන් රෝගියකු උපස්ථායකයාගේ හිත මනාපය ලබාගෙන සැලකිල්ලෙන් උපස්ථාන ලබනු ඇත. එවැනි ගිලනුන්හට උවටැන් කිරීමට පහසු බව බුදුරජාණන් වහන්සේ දේශනා කළ සේක.
එමෙන්ම සංයුක්ත නිකායේ ගිලාන වග්ගයට, අනුව, විශාලාමහනුවර කූටාගාර ශාලාවේදී රෝගාතුර වු භික්‍ෂුවක අමතා බුදුරජාණන් වහන්සේ දේශනා කළේ කරුණූ පහකින් සම්පූර්ණ වු ගිලන් භික්‍ෂුවක චිත්තවිමුක්තියත් පඤ්ඤා විමුක්තියත් ලබන බවයි. එම කරුණු පහ මෙසේයි.
1. අසුභානුපසසිං විහරති (කයෙහි අසුබය නුවණින් දැක වෙසෙයි.)
2. සබ්බලෝකෙ අනභීරත සඤ්ඤා (නොඇලීමෙහි සිහිය)
3. ආහාරෙ පටික්කුල සඤ්ඤා (ආහාරයේ පිළිකුල් බව පිළිබඳ සිහිය)
4. සබ්බ සංඛාරෙසු අනිච්චානුපස්සි (සියලු සංස්කාර අනිත්‍ය වශයෙන් දැකීම)
5. මරණ සඤ්ඤි (මරණය පිළිබඳ සිහිය)
මෙම කරුණු පහ සමස්තයක් ලෙස සලකා බැලු කල පඤ්චස්කන්ධයේ පවතින අනිත්‍ය, දුක්ඛ, අනාත්ම යන ත්‍රිලක්‍ෂණ කෙරෙහි ඍජු ආරම්මණයක් තැබීමට රෝගියාට පෙළැඹවීමක් සිදු කෙරේ. එහෙත් මෙය බාහිර වශයෙන් ගත්කල ව්‍යාධියෙන් සන්සිඳීම සඳහා බුදුරජාණන් වහන්සේ අනුදැන වදාළ ප්‍රතිපත්ති මාලාවක් ලෙස සැලකිය හැකිය.
පළමු කාරණයට අනුව, පීඩාකාරි දුක් දෙන රෝගයක් වැළැඳුණූ කල කෑගසමින් කෙඳිරිගාමින් අනුන්ට කරදරයක් වන ලෙස වේදනාව පළකරනවාට වඩා තම ශරීරයේ පවතින දෙතිස් මහා කුණප ගැන සිතීමෙන් අපහසුතා සමනය කරගැනීමේ වැදගත්කම පෙන්වා දී ඇත. තමන්ට කුළුපග දායකයන් හා ඥාතීන් කෙරෙහි ලොල් වී ඔවුන්ගේ පැමිණීම, උදව් ලබාගැනීම හා නොයෙක් ඇප උපකාර ලබාගැනීම ආදිය අදහස් කිරීම මෙහිලා සිහියට නොගත යුතු බවද දෙවැනි කරුණින් අවධාරණය කෙරෙයි. තමන් පිළිගන්නා ආහාරය සමහර විට රෝගයට උචිත, අහම්බෙන් ලැබෙන රසමුසු අහරක් විය හැකිය.එහෙත් ඊට කෑදර සිතින් නැවත නැවතත් ලබා ගැනීමේ අටියෙන් වළඳනවාට වඩා ආහාරයේ පිළිකුල වටහාගෙන අනුභව කිරීම යෝග්‍ය වේ. අනෙක් අතට නිරෝගීව සිට ගනු ලබන ආහාරය ලෙඩ වූ කල සිතට ගතට එපාවීම නිසා ඉක්මනින් පිළිකුල් බව පසක් වෙයි. තෙවැනි කරුණින් අදහස් වූයේ එයයි. එසේම තමන් විසින් තම අන්තේවාසිකයන්ට, දායක පාර්ශවවලට කරන ලද මෙහෙවර ගැන සිතමින් හා ඔවුන්ගෙන් තමන්ට ලැබුණු නොලැබුණු පුද සත්කාර ගැන සිතමින් කාලය නැසීමට වඩා ඒ සියල්ලෙහි අනිස්ථීර බව සලකා කටයුතු කළ යුතු බවද සිව්වන කරුණින් සිහිකර දෙයි. ‘මරණ සඤ්ඤි’ යන පස්වැනි කරුණෙන් කායික විපරිණාමයේ ස්වභාවය තුළින් මරණයේ යථා ස්වරූපය මෙබඳු වේයැයි වැටහීමක් ඇතිකර ගනිමින් මරණානුස්මෘතිය කෙරෙහි අවධානය යොමු කළ යුතුය යන්න අදහස් කෙරේ.
කෙනෙකු කායික වශයෙන් ලෙඩ වු විට ඇතැම් විට ඊටත් වඩා වේගයෙන් මානසික වශයෙන් ලෙඩ වේ. කායික ව්‍යාධියට මුහුණදීමේදී ශක්තිමත් මනැසක් ඇතිකර ගැනීම තුළින් රෝගයෙන් මිදෙමින් සමබර සෞඛ්‍ය තත්ත්වයක් රඳවා ගැනීමට ඉහත කරුණු පහ වැදගත් වේ.
සංයුත්ත නිකායේ ගිලාන වග්ගයේ සඳහන් පරිදි, රෝගී වූ මහාකාශ්‍යප මහරහතන් වහන්සේටද මහාමොග්ගල්ලාන මහරහතන් වහන්සේටද සප්ත බොජ්ඣංග ධර්ම මෙනෙහි කරමින් සූත්‍ර දේශනා බුදුහිමියන් විසින් පවත්වන ලදී. එමෙන්ම මහාචුන්ද හාමුදුරුවන් වහන්සේට අනිච්චසඤ්ඤා ,අනත්තසඤ්ඤා , අසුබ සඤ්ඤා , පහානසඤ්ඤා, විරාගසඤ්ඤා, නිරොධසඤ්ඤා, සබ්බ ලොකේ අනභිරත සඤ්ඤා, සබ්බ සංඛාරෙසු අනිච්ච සඤ්ඤා ආදි වශයෙන් මෙනෙහි කරන ලෙස දේශනා කළේද කායික ව්‍යාධියක් හටගත් අවස්ථාවකදීය.
රෝගියකු හට උපස්ථාන කරන උපස්ථායකයාද උවටැන් කිරීම සඳහා කායික හා මානසික යෝග්‍යතාවයෙන් යුතු සිහි බුද්ධියෙන් වැඩකරන අයකු විය යුතු බව බුදුරජාණන් වහන්සේ දේශනා කළ සේක. විශේෂයෙන් සංයුක්ත නිකායේ ගිලානුපට්ඨාන සූත්‍රයේදී උපස්ථායකයකු විසින් දුරැලිය යුතු කරුණූ පහක් දක්වා ඇත. එවැනි ලක්‍ෂණවලින් යුතු අය ගිලනුන්ට උවටැන් නොකළ යුතු බව බුදුරජාණන් වහන්සේ පෙන්වා දුන් සේක. එම ලක්‍ෂණ පහ මෙසේයි.
1. බෙහෙත් සංවිධානය කිරීමේ හැකියාවක් නොමැතිවීම
2. සප්පායදෑ,අසප්පාය දැ නොදැනීම; එනම් රෝගියාට හිතකර -අහිතකර දෑ නොදැනීම
3. මෙත්සිත නැතිකම සහ ලාභ අපේක්‍ෂා ඇතිව උවටැන් කිරීම
4. මළමුත්‍ර වමනය සහ කෙළ ආදිය පිළිකුල්වීම
5. කලින් කල කළ යුතු දැහැමි කතාවෙන් කරුණු දක්වන්නට හෝ සමාදන් කරවන්නට හැකියාවක් නැතිකම
මේ කරුණු අනුව පෙනී යන්නේ රෝගියකුට උවටැන් කළ යුත්තේ ඒ වෙනුවෙන් උනන්දුවක් ඇති, පැසුණූ බුද්ධියක් සහ කරුණාබර හදවතක් ඇති අයකු පමණක් බවයි. රෝගියාද ධර්මය පසක්කර ගැනීමට රෝගය මාධ්‍යක් කරගත යුතු බව මින් පෙනේ. රෝගය යනු මරණයෙහි අනුගාමික ඡායාවක් වන අතර රෝගියා උපස්ථායකයාගේ හිත දිනාගෙන, ඖෂධයෙන් යැපී ඉක්මනින් සුවපත් වීමට සිහිබුද්ධියෙන් කටයුතු කළ යුතු බවද මේ අනුව නිගමනය කළ හැකිය.
තෛකාලික මහා සංඝරත්නය කෙරෙහි පූජා කිරීම
උතුම් වූ ඒ ධම්ම සේනාධිපති / මහා සාරිපුත්ත අග්‍රශ්‍රාවකයන් වහන්සේගේ නායකත්වයෙන් යුත්,/ උතුම් වූ / අඤ්ඤාකොණ්ඩඤ්ඤ මහරහතන් වහන්සේන්ගෙන් ආරම්භ වූ / උතුම් වූ / මහා මොග්ගල්ලාන මහරහතන් වහන්සේ ද,/ උතුම් වූ ඒ මහා කාශ්‍යප මහරහතන් වහන්සේ ද, උතුම් වූ ඒ මහා අනුරුද්ධ මහරහතන් වහන්සේ ද, උතුම් වූ ඒ මහා කච්චායන මහරහතන් වහන්සේ ද,/ උතුම් වූ / මහා කොයිත මහරහතන් වහන්සේ ද, උතුම් වූ/ මහා කප්පින මහරහතන් වහන්සේ ද./ උතුම් වූ / ආනන්ද මහරහතන් වහන්සේ ද,/ උතුම් වූ / උපාලි මහරහතන් වහන්සේ ද,/ උතුම් වූ / මහා චුන්ද මහරහතන් වහන්සේ ද./ උතුම් වූ / මන්තානිපුත්තපුණ මහරහතන් වහන්සේ ද ඇතුළු/ අසූ මහා ශ්‍රාවකයන් වහන්සේලා / ප්‍රධාන කොට ඇති මහා සඝරත්නය / පරම්පරා අනුපිළිවෙලින් / උපාලි මහරහතන් වහන්සේ ද./ උපාලි මහරහතන් වහන්සේන්ගේ සද්ධි විහාරික / දාසක මහරහතන් වහන්සේ ද./ දාසක මහරහතන් වහන්සේගේ සද්ධි විහාරික / සෝණක මහරහතන් වහන්සේ ද,/ සෝණක මහරහතන් වහන්සේන්ගේ සද්ධි විහාරික / සිගව සහ බඩවජිරි මහරහතන් වහන්සේලා ද,/ සිග්ගව සහ චණ්ඩවර්ජි / මහරහතන් වහන්සේලාගේ සද්ධි විහාරික/ මොග්ගලීපුත්තතිස්ස මහරහතන් වහන්සේ ද,/ මොග්ගලීපුත්තතිස්ස මහරහතන් වහන්සේගේ සද්ධි විහාරික / දීපඅප්‍රසාදක වූ / මිහිඳු මහරහතන් වහන්සේ ද සහිත වූ සඝ පීතෘ පරම්පරාව නිසා / ලක්දිව ප්‍රථමයෙන් / අරිටිය මහරහතන් වහන්සේගේ පහළ වීම සිදුවිය./ අරිට්ඨ මහරහතන් වහන්සේන්ගෙන් ආරම්භ වූ/ ලක්දිව මහා සඝ පරපුර / තිස්සදත්ත මහරහතන් වහන්සේ ද / කාළසුමත මහරහතන් වහන්සේ ද / දිඝනාමක මහරහතන් වහන්සේ ද දිසසුමන මහරහතන් වහන්සේ ද වශයෙන් / පරම්පරානුගතව / අද දක්වාම පැවත එන සේක./
අපගේ මෙම දානයට වැඩම කලා වූ / ස්වාමින් වහන්සේලා ද / එම මහා සඩිස පරපුරෙන් පැවත එන සේක. ඒ එම නිසා ඒ අප ඉදිරියෙහි වැඩ වසන්නා වූ ස්වාමින් වහන්සේලා අතීත සඝ පරපුර / නියෝජනය කරන සේක් ම ය. / වර්තමානයෙහි වැඩවසන්නා වූ / ස්වාමින් වහන්සේලා නිසා / අනාගත සඝ පරපුර ද ? බිහිවන්නාහු ම ය. / එම නිසා ම පවත්නාහු ම ය. / එහෙයින් / අප ඉදිරියෙහි වැඩවසන්නා වූ ස්වාමින් වහන්සේලා / අනාගත සස පරපුර ද / නියෝජනය කරන සේක් ම ය. ඒ අප ඉදිරියේ වැඩවසන්නා වු ස්වාමින් වහන්සේලා / කර්ම වාක්‍ය ප්‍රකාශ කරන්නේ සියලු සඝරත්නයෙහි / නියෝජිත භාවය ලබා ඇත්තාහු ම ය./ එම කාරණය විශේෂයෙන් සිහිපත් කරමින් / එම නියෝජිත භාවය සහිත ස්වාමින් වහන්සේලා සාක්ෂකොට / අතීතයෙහි වැඩ විසුවා වූ ද / අනාගතයෙහි පහළ වන්නා වූ ද වමානයෙහි වැඩ වසන්නා වූ ද ඒ සියලු දිසාවන්ගෙන් පැමිණි
නොපැමිණි / උතුම් වූ ඒ භාග්‍යවත් වූ / අරහත් වූ / සම්මා සම්බුදුරජාණන් වහන්සේගේ සාසනයෙහි / උතුම් වූ සංඝරත්නය කෙරෙහි / අප විසින් ශ්‍රද්ධා ගෞරව පෙරදැරිව / පිළියෙල කරන ලද / මෙම සියලු පූජාවෝ / වන්දන මානන සහිත ව / පූජා කරන්නෙමු./
අප කෙරෙහි අනුකම්පාවෙන් ම / අපගේ නිවන පිණිස ම / අප නිවන් දන්නා තුරු 7 නිරවද්‍ය වූ ත් / පහසු වූත් / සැප සහිත වූත් / වාසය කිරිම පිණිස ම / අප නිසා නිවන් දක්නා වූ / සියලු සත්වයන් හට / අනුකම්පා පිණිස ම / ඔවුන්ගේ ම නිවන පිණිස ම / මෙත්‍රි පෙරදැරිව පිළිගන්නා සේක්වා! කරුණා පෙරදැරිව පිළිගන්නා සේක්වා! අනුකම්පා කරමින් ම පිළිගන්නා සේක්වා!
ඉතින් පින්වත් ඔබට මේ පින් බලයෙන් ඔබට නිදුක් නිරෝගී සුවබර කාලයක් උදාවේවා. විශේෂයෙන්ම කායිකමානසික පීඩාවන්ගෙන්තොරව සැපවත් ජීවිතයක් ලබන්නට මේ පින හේතුවාසනා වේවා.. තබන තබන පියවරක් පාසානොබියව, නොසැලීදුර දක්නා නුවණින් ඉදිරියට යන්නටත්, බාධක කම්කටොලු අවම වන්නටත් මේ පිනහේතුවාසනා වේවා.ස්වාභාවිකව ජීවිතයකට එල්ලවන අභියෝග සාමාන්‍ය දෙයක් උවත් ඒ සියලු අභියෝගයන්ටඅභීතව මුහුණදෙන්නටඔබට මේ පින හේතුවාසනා වේවා. සසරපුරාවටම නැහැ බැහැ කියන වචනයක්වත් අහන්නටනොලැබේවා. නිවන්දක්නා ජාති දක්වාම ආයු,වර්ණ,සැප,බල,ප්‍රඥාවන්හි කිසිදු අඩුවක් නොවේවා. මෙපින් බලෙන්ගැඹුරු ධර්මතාවන්පවා තේරුම් ගැනීමට නුවණ පහලවේවා. නිවන් දක්නා ජාති දක්වාම සද්ධර්මය ඇසෙනපරිසරයකම උපතලබන්නටත්, සද්ධර්මය නොඇසෙන කාලයන්හිදී අඩුමතරමින් පන්සිල් රකින ප්‍රදේශයක උපතලබත්වා. නිවන්දක්නා ජාති දක්වාම කිසිදු වස්තු සම්පතක් අඩු නොවේවා. කිසිදු කලෙක පිරිස් සම්පත් අඩුනොවේවා.සිතනිරන්තරයෙන්ම දහමට නැඹුරුවේවා , සසර පුරාම දන්දෙන්නට සිත් පහලවේවා, දුන්දෙයක කිසි කලෙකසිත්නොඇලෙන්නටත්, දන්දෙන්නට සිතන සෑම විටකම දානවස්තූන් පහලවන්නටත් මෙපින් හේතුවාසනා වේවා.
මේ භවයේ මේ චිත්තක්ෂණයේ පටන්ම සතර මහා නිධාන පහල වේවා, සතර වටින් මහා කප්රුක් පහලවේවා,අහසින් රුවන් වැසි වැටේවා, පොළවෙන් රන් මිණි මුතු මතුවේවා. නැහැ බැහැ කියන වචනයක් වත් අසන්නටනොලැබේවා, අපට කල දේ එකක්නම් ඒවා ඔබට පොලවේ වැලි කැට පමණට, මහ මුහුදේ ජල බින්දු තරමට ලැබේවා.බක්කුල මහ රහතුන් වහන්සේට මෙන් නීදුක් නිරෝගී බවේ අඩුවක් නොවේවා, සීවලී මහ රහතුන් වහන්සේ නළල්තලයේ වැඩ සිටිනවා මෙන් ප්‍ර‍ත්‍ය ලාභයේ අඩුවක් නොවේවා. තව තවත් සම්බුද්ධ ශාසනයට සේවය කිරීමට සතරවරම් දෙවියෝ සතර වටින් ආරක්ෂා කරත්වා,ධාතු කරඩුවක් මෙන් ඔබව රකිත්වා. ඔබ පතන උතුම් අධිගම ලාභය ඒඅයුරින්ම ඔබට සම්පූර්ණ කරගන්නට හැකියාව ලැබේවා. ඒ ගමනේදී කරදර බාධක, මාරක බාධක, සතුරු උපද්‍ර,රජුන්ගෙන් සොරුන්ගෙන් සතුරන්ගෙන්, ගින්නෙන් ජලයෙන්,වස විසෙන් අවි ආයුධයන්ගෙන් මනුෂ්‍යයන්ගෙන් ,තිසිසන් ගත සතුන්ගෙන් සීතලෙන්, උණුසුමෙන්, බඩගින්නෙන්, පිපාසයන්ගෙන්. මැසි මදුරුවන්ගෙන්, අව්වෙන්වැස්සෙන් පින්නෙන් විසකුරු සර්පයන්ගෙන්, වාතයෙන්, පිතෙන්, සෙමෙන් තුන්දොසින්, රාග, දෝෂ, මෝහ ආදීඋප පීලක උපඝාතක ආදී විපාක වලින්වත්, බියෙන්, තැතිගැන්මෙන්, රෝම උද්ගමනයක් හිස්සාවක්, පීඩාවක්ඉදුලක්, කිලුටක්, කිල්ලක්,ඇත්නම් ඒ සියල්ල ඉරු දුටු අදුරක්සේ නියත විද්වංසනය වේවා. වෙන්න දෙයක් ඇත්නම්සිහිනෙකින්වත් සිදු නොවේවා. තබන පියවරක් පාසා, ගන්න හෙලන හුස්ස රැල්ලක් පාසාගෙවෙන විනාඩියක්තත්පරයක් පාසාරත්නත්‍රයේ අසීමිත ගුණානුභාවයේ බලයෙන් සම්, මස්, ලේ , නහර, ඇට, ඇට මිදුලු, දක්වාවිහිදෙමින් සර්ව ආරක්ෂාව සැලසී නිදුක් නීරෝගී, ආයු, වර්ණ, සැප, බල, ප්‍ර‍ඥා පහල වේවා. වාප පිත් සෙම් තුන්දොස් සමනය වේවා, පඨවි ආපෝ, තේජෝ, වායෝ, සතර දෝෂ සමනය වේවා,කර්ම, ඍතු, ආහාර, චතුසමුට්ඨානික, ඍතු සමුට්ඨානික රූප කලාප නිරධෙ වේවා. සියලු රෝගාබාධ ගතවන පැයෙන් පැය, විනාඩියෙන්විනාඩිය, තත්පරයෙන් තත්පරය, චිත්තක්ෂණයෙන් චිත්තක්ෂණය, සුවපත් වේවා. දෙදෙව්ලොවට අධිපත්,සක්දෙවිදුන්, සුමන සමන්දෙවියන්, විෂණු කතරගම ඇතුලු මේ බුද්ධ ශාසනයත්, ලෝකයත් ඔබවත් අපවත් ආරක්ෂාකරන්නාවූ සම්‍යදෘෂ්ඨික දෙවියෝද, නොපෙනෙන බලයන්, ගේ අරක්ෂාව නිබද දවසින් දවසම ලැබේවා. මේ පින්වත්පිරිස යන එන ගමන් බිමන්, කරන කියන රැකියා, තමන්ගේ දුවා දරුවන්ගේ, ඉගෙනීමේ කටයුතු පුරපස මෝරනචන්ද්‍ර‍යා මෙන් ඉෂ්ඨ සිද්ධ වේවා.ඔබට සමත විදර්ශනා ඥානයන් පහල වේවා.
ජයශ්‍රී මහබෝ සමිදු බලෙන්, රුවන් වැලි මහ සෑ රජුන්ගේ බලයෙන්, තව්තිසා දෙව්ලොව සිලුමිණ සෑආනුභාවයෙන්,කේෂධාතූන් වහන්සේ, ලලාට ධාතූන් වහන්සේ,ග්‍රීවා ධාතූන් වහන්සේ, අකු ධාතූන් වහන්සේ,සතර දලදා වහන්සේ,ආනුභාවයෙන්, සතර ශ්‍රීපාද ස්ථානයේ ආනුභාවයෙන්, බුද්ධගයා බෝධීන් වහන්සේ හාවජ්රාසනයේආනුභාවයෙන්, තුන්ලෝකය පුරා වැඩ සිටිනා බෝධීන් වහන්සේ, ප්‍රතිමා වහන්සේ, සෑරදුන්වහන්සේලා, සියලුසර්වඥ ධාතූන්වහන්සේලාගේ ආනුභාවයෙන්, විශ්වයේ පහලවූ සියලු බුදු, පසේබුදු, මහරතුන්වහන්සේලාගේආනුභාවයෙන්, තණ්හංකර, දීපංකර, මේධංකර, කොණ්ඩඤ්ඤ, මංගල, සුමන, රේවත, සෝභිත,අනෝමදස්සී,පදුම, නාරද, පදුමුත්තර, සුනීත, සුජාත, පියදස්සී, අත්තදස්සී, ධම්මදස්සී, සිද්ධත්ත, තිස්ස, ඵුස්ස,විපස්සී, සිඛී,වෙස්සභූ, කකුසද, කෝණාගමනථ කාශ්‍යප, ගෞතම යන බුදුවරුන් වහන්සේලාගේ බුදුවරයෙකුටපවාකල්පයකින්වත් කියා නිමකල නොහැකි අසම සම, අනන්ත, බුදුගුණ බලයෙන්ද ඔබගේ මතු අනාගතයඅතිශයින්සාර්ථක වේවා.
මතුබුදුබව පතා තව්තිසා දෙව්ලොව වැඩවසන්නාවූ අසම සම, මහා කාරුණික, යම් දිව්‍යරාජයෙක් වේද මෛත්‍රී නම්වූ ඒ දිව්‍යරාජයන් වහන්සේද, සක්දේව රාජෝත්තමයානන් වහන්සේද, මාතෘ දිව්‍යරාජයන් වහන්සේද, රන්වැලි මහසෑරදුන් ඉදිකලකල, රට ජාතිය එක්සේසත්කල, සම්බුද්ධ ශාසනයට අපරිමේයසේවයක් සිදුකල මතු බුදුවන මෙත්බෝසතුන්ගේ දකුනත්සව් හා වමත්සව් වන දුටුගැමුණු, සද්ධාතිස්ස මහදෙවියන්ද, ශාසනාරක්ෂක, ලෝකපාලකදෙවියන්ද විරූඪ, විරූපාක්ෂ, වෛශ්‍රවණ, දෘතරාශ්ඨ ආදී සතරවරම්දෙවියන්, මෙන්ම විශ්ණු, කතරගම, සමන්,පත්තිනි සතර මහා දෙවියන්ද නුවණට අධිපතිකම් කාරන්නාවූ ගණදෙවියන්, ශිල්ප ශාස්ත්‍රයට අධිපති සරස්වතී ආදිදෙවියන් ඇතුලුව දැඩිමුන්ඩ, විභීෂණ, ලක්ෂ්මී,කලුදේවතාබණ්ඩාර ආදී තිස්තුන්කොටියක් දෙවියන්ද මේ පින්අනුමොදන් වෙත්වා. ඔබට සියලු දෙවියන්ගේආශිර්වාදය, ආරක්ෂාව, ආකර්ෂණය ලැබේවා. රට ජාතිය වෙනුවෙන්,සම්බුද්ධ ශාසනය වෙනුවෙන් මහා සේවයක්ඉටුකර උපන් බිමට ණය ගෙවන්නට ඔබ සියලු දෙනාට යෝධ බල යෝධශක්තිය ලැබේවා. ගතවන චිත්තක්ෂණයක් පාසා මේ උතුම් ගාම්භීර චතුරාර්ය සත්‍යය නිවැරදිව සුවසේ අවබෝධකරගෙන දාන සීල භාවනා තිවිධ පුණ්‍ය ක්‍රියා සිදුකරමින්, සිල සමාධි ප්‍ර‍ාව ආදිී ත්‍රි ශික්ෂාව වර්ධනයකරගෙනපතන බෝධියෙන් අමා නිවනින් සැනසෙන්නට මේ පින් හේතුවාසනා වේවා.‘
අපද පතන යම් බෝධියක් වේද ඒ බෝධියෙන්ම නිර්වාණ අවබෝධයට මේ පින හේතු වාසනා වේවා ..
විස්තර නරඹන්න.
medicine for monk
medicine for monk – Polpithigama
