Skip to main content
All Posts By

Eranda

මුහුණු පොතේ මිතුරු දයාබර මෑණියකගේ දායකත්වයෙන් එළිමහන් බුද්ධ ප්‍රතිමාවක් ඉදිවන වගයි …

By All Posts, මුහුණු පොතේ මිතුරු දයාබර මෑණියකගේ දායකත්වයෙන් එළිමහන් බුද්ධ ප්‍රතිමාවක් ඉදිවන වගයි

මේ අප විසින් සිදුකල තවත් සුවිශේෂ පින්කමක්. එළිමහන් බුද්ධ ප්‍රතිමා වහන්සේ නමක් සසුනට පූජා කිරීම. මේ වෙනුවෙන් පූර්ණ මුදල් පරිත්‍යාගයන් සිදුකලේ කැළණියේ පෙරේරා මහත්මියයි. මා විසින් කලකට ඉහතදී මුහුණු පොතෙන් සිදුකල ඉල්ලීමක් අනුව පෙරේරා මහත්මිය ප්‍රතිචාර දැක්වූවා. එහි ප්‍රතිඵලයක් විදිහට ලක්ෂ 1 ½ කට ආසන්න මුදලක් වැයකරමින් එතුමිය බුද්ධ ප්‍රතිමා වහන්සේ නිර්මාණය කලා. එහි සියලු අවස්ථා පහත චායාරූප වලින් දැකගන්න පුලුවන්.

බුදුපිලිම වහන්සේ නමක් නිර්මාණයේ ආනිසංස මෙපමණයි කියල කියන්න බැහැ. බුදුපිළිම නිර්මාණය ගැන සදහන් වෙන්නෙ කෝසල බිම්බ වර්ණනාවෙ. අපි මොහොතක් බලමු බුදුපිලිම නිර්මාණයේ ආනිසංස මොනවද කියල.

බුදුපිලිමනිර්මාණයේආනිසංසමෙන්න

පිළිමනිර්මාණයේ වටිනාකම මොහතෙක් මම ඔබටකියා දෙන්නම්.

බුදුන්වහන් වහන්සේ කෝසල දේශයේ සැවැත්නුවර පිහිටලා තිබුණු ජේතවනාරාමයේ වැඩවසනකාලයේදී  එක දවසක් බැහැර ප්‍රදේශයක ජනතාවට දහම්දෙසන්න වැඩමකරනවා. එදාම කෝසල දේශයේ අධිපතියා වුණු පසේනදී කෝසල රජතුමා මල්, සුවඳද්‍රව්‍ය ආදියත් අරගෙනතමන්ගේ පිරිස පිරිවරාගෙන බුදුන්වහන්සේ හමුවෙන්න පැමිණෙනවා.

ඒත් බුදුන්වහන්සේ විහාරයේ නැතිබව දැනගන්න රජතුමා බොහොම කම්පාවට පත්වෙලා තමන් අරගෙන ආපුපූජාද්‍රව්‍ය බුදුන්වහන්සේ වැඩවාසය කරන ගන්ධකුටියෙන් තැන්පත්කරලා ආපසුයන්න යනවා.

නැවතත් බුදුන්වහන්සේ ජේතවනාරාමයට වැඩම කළාම කොසොල් රජතුමා බුදුන්වහන්සේව හමුවෙලා උන්වහන්සේව පසුගියදවස්වල නොදැකපුනිසා තමන් ඇතුළු ජනතාව අතිශය දුකට පැමිණිබවත් බුදුන්වහන්සේ ජීවමානකාලයේ උන්වහන්සේ නොදැකීමෙන් ඒවිදිහට දුකක්දැනෙනවා නම් බුදුන්වහන් සේපිරිනිවන් පෑවාටපස්සේ ඒදුකදරාගන්නේ කොහොමද කියලා කියනවා.

ඒනිසා රජතුමා බුදුන්වහන්සේගෙන් අවසරඉල්ලනවා බුදුන්වහන්සේගේ ප්‍රතිමාවක් නිර්මාණය  කරන්න. බුදුන්වහන්සේත් ලෝකසත්වයාගේ හිතසුවපිණිස බුදුපිළිමයක් නිර්මාණයකරන්න අනුදැන වදාරනවා.

ඊටපස්සේ රජතුමාබුදුන්වහන්සේගෙන් අහනවා බුදුපිළිමය කුමනආකාරයෙන් කළොත්ද යහපත්කියලා.  බුදුන්වහන් සේවදාරනවාලීයෙන්,  තඹයෙන්, රිදීයෙන්, රන්වලින්, මැණික්වලින් ආදීදේ වල්වලින් වඩාත්උසත් නැතිවඩාත් සිහින් නොවන, වඩාත් මහත් නොවන බුද්ධප්‍රතිමා නිර්මාණයකළ යුතුයිකියලා.

ඒවගේමයි උන්වහන් සේදේශනාකරනවා බුදුපිළිම නිර්මාණයේ විපාක කියලා නිමකරන්නත් බැහැකියලා.  ඒකට උපමා කීපයකුත් භාවිතාවෙනවා.

සෘද්ධිසම්පන්න පුද්ගලයන් විසින් සියලු සක්වලපුරා ඇතිවෙන උඳු, මුං, තලවගේ දේවල් තමන්ගේ සෘද්ධිබලයෙන් ගණන්කරලා මෙපමණයි කීවත් ඒ පුද්ගලයන්ට පවා බුදුපිළිමකරවීමේ ආනිශංස මෙපමණයි කියලා කියන්න බැරිබවත්,

මහානුභාව සම්පන්න සක්විත රජෙක් තිස්හත් ලක්ෂ දසදහස් තුන්සියපනහක් යොදුන් උසසක්වල පර්වතය උසටසත් රුවන්සහඋඳු,  මුං පුරවලා ගණන් කරලා මෙපමණයි කියලා කීවත් බුදුපිළිම කරවීමේ ආනිශංසමෙපමණයි කියලා කියන්න බැරිබවත්,

මහානුභාවසම්පන්න දේවතාවක් මහාසාගරයේ ජලයනැලි සියදහස්ගණනකින් මෙපමණයි කියලා කීවත් බුදුපිළිම කරවීමේ ආනිශංස මෙපමණයි කියලා කියන්න බැරිබවත්,

මුඛසීයකින්, දහසකින්වුවත් එක්බුදුපිළිමයක්කරවීමේ පින කීවත් කියානිමකළ නොහැකිබවත් බුදුන්වහන්සේ දේශනා කරනවා.

ඒ සමඟම බුදුන්වහන්සේ පෙරභවයක තමන්වහන්සේ රජතුමෙක්ව සිටිබවත් බුදුපිළිමයක කැඩීතිබුණුඇඟිල්ලක් දැකලා ඒකැඩීතිබුණු ඇඟිල්ල නැවතත් බුදුපිළිමයට සම්බන්ධකරපු පිනෙන් මහත් තේජවන්තභාවයට පැමිණිබවත් රජතුමා යුද්ධයට යද්දීඇඟිල්ලක් උස්කිරීමෙන් හා නැමීමෙන් පවාසතුරන් පරාජයකළ බවත් වට්ටාංගුලිරජතුමානමින් ඒනිසා හැඳින්වූ බවත් දේශනාකරනවා.

මේ දේශනාවන් සියල්ලම මැනවින් අහගෙන හිටපු කොසොල් රජතුමා අවසානයේ දීබුදුන් වහන්සේට නමස්කාර කරලා රජමාළිගයට ගිහින් රාජභාණ්ඩාගාරයේ තිබුණුසඳුන් දැවකොටයක් ගෙන්වලා සියලුම ලක්ෂණ සහිත බුදුරුවක් කරවලා ඒප්‍රතිමාවට සිවුරක්පෙරවලා ජීවමාන බුදුන්වහන්සේගේම ආකාරයට නිමකරනවා.

ඊටපස්සේ රජතුමා ජේතවනාරාමයට පිටත්වෙලා බුදුන්වහන්සේට ප්‍රතිමාව නිර්මාණයකරලා අවසන්බවත් ඒය නරඹන්න වැඩමකරවන්න කියලා ආරාධනා කරනවා.

පස්සේ රජතුමා රාජාංගණයේ සත්රුවන් මණ්ඩපයක් කරවලාරන්, රිදීවගේ වටිනාද්‍රව්‍යයන් ගෙන්වියන්බැඳලා, දැල්දමලා බිමසුවඳගන්වලා සත්රුවන් මණ්ඩපයේ වටිනා සිංහාසනයක් කරවලා ඒමත බුද්ධප්‍රතිමාව තැන්පත් කරවනවා.

පස්සේ ජේතවනාරාමයේ ඉදන් මහාපෙරහැරින් බුදුන්වහන්සේ ප්‍රමුඛ සංඝයාවහන්සේලාව රාජාංගණයට වැඩමකරවනවා.

බුදුන්වහන් සේරාජාංගණයේ තිබුණු සත්රුවන් මණ්ඩපයට වැඩමකරද්දී සිංහාසනය මත වඩාහිඳුවලා තිබුණු සඳුන් හරින් කරපු සිත් පිත් නැති බුද්ධප්‍රතිමාව” සජීවීබුදුන්වහන්සේ වැඩමකරවලා සිටගෙනසිටියදී අජීවමාන වූ මම උස්ආසනයක හිඳීම සුදුසු නොවේ” කියලා වගේ සිංහාසනයෙන් බසින්න වගේ යනවා.

ඒ මොහොතේදී බුදුන්වහන්සේ වදාරනවා”ඇවැත්නි,  ඔබ සිංහාසනයෙන් නොබැසම සිටින්න. මම ටිකදවසකින්ම පිරිනිවන් පාන්නෙමි.  මා නැතිපන්දහසක් අවුරුදු සාසනයෙහි වැඩපිණිස සිටින්න. ඔබ ආදර්ශයට ගෙන මගේ පරිනිර්වාණයෙන් පසුව සිව්වනක් පිරිස පිළිම නෙලනුලබති” කියලා.

ඊට පස්සේ තමන්වහන්සේගේ පරිනිර්වාණයෙන් පසුව ඉදිරියේ වසරපන්දහසක්ම දෙව්මිනිසුන්ගේ පූජාවට ලක්වෙන බුද්ධප්‍රතිමාවට තමන්වහන්සේ මුලින්ම ගරුකළයුතුයි කියලා බුදුන්වහන්සේ සිතලා දෑසමන් මල් අටමිටක් පිළිමයට පූජාකරනවා.

බුදුන්වහන්සේව අනුගමනය කරපු රහතන් වහන්සේලා පන්සීය නමත් සුවඳ මලින් බුදුපිළිමය පුදනවා. අනෙකුත් භික්ෂූන් වහන්සේලාත් රජතුමා ප්‍රමුඛ කෝසලවාසීනුත් විවිධාකාරයෙන් බුදුපිළිමයට පුදපූජා පවත්වනවා. මේ අවස්ථාවේ දීබුදුපිළිමයට පුදපූජාපවත්වන්න දෙව්බඹුන් පවා එකතුවෙනවා.

අවසානයේ දීබුදුන්වහන්සේ නැවත වරක් කොසොල් රජතුමාගේ ආරාධනයෙන් බුදුපිළිම කරවීමේ වගේම බුදුපිළිමයට ජීවමාන බුදුන්වහන්සේට කළ පුදපූජා පැවැත්වීමේ ආනිශංස දේශනාකරනවා.

ඉතින් බුදුපිළිමකරවීමේ විශාල පිංකමක්බවත් බුදුපිළිමවලට පුදපූජාපැවැත් වීමත් විශාලපිංකමක් බවපැහැදිලියිනේ. ඒක නිසාමයි අටමහාකුසල් වලින්එකක් ලෙසබුද්ධ ප්‍රතිමා කරවීමදක්වලා තියෙන්නේ.

ඉතින් මෙවන් මහපින්කමක් සිදුකලඅවස්ථාවක්ප හතදැක්වෙන්නේ. කුරුණෑගල නයිලිය ශ්‍රීනාගංගනාරාමයේ සිදුකල මහපින්කම ඔබත්නරඹන්න.

පිළිම වහන්සේගේ සම්පූර්ණ විස්තරය චායාරූප නරමන්න

එළිමහන් බුද්ධ ප්‍රතිමාවක් නිර්මානය කිරීම

එළිමහන් බුද්ධ ප්‍රතිමාවක් නිර්මානය කිරීම

වැස්සෙන් ආරක්ෂා වීමට අබලන් ධර්මශාලාවක් සදහා තහඩු ලබාදුන් වගයි …

By All Posts, වැස්සෙන් ආරක්ෂා වීමට අබලන් ධර්මශාලාවක් සදහා තහඩු ලබාදුන් වගයි

හොදයි පින්වත් යාලුවනේ අපි අදත් ලොකු පින්කමක් කලා. අනිත් පින්කම් එක්ක බලනකොට කුඩාවගේ පෙනුනත් මේක මහා ආනිසංස දායක පින්කමක්. ඔස්ට්‍රේලියාවේ, වික්ටෝරියාහි, මෙල්බන් නුවර සේවයේ නියුතු දිනූෂ විජේතුංග පින්වත් සොහොයුරා සුදුසු පින්කමකට යොදන්න කියල රු. 10,000/=ක මුදලක් මට එවල තිබුන.

ඔබට මතකද යාලුවනේ අපි ධර්ම හාලාවක් හදන්න ආධාර ඉල්ලුව. ඒකට පින්වත් යාලුවො හැකි උපරිමයෙන් මුදල් එවල තිබුන. ඒ මුදල් යොමුකරල තිබුනෙ පන්සලේ දායක සභාවෙ ගිනුමටයි. ඒ නිසා ඒ මුදල් ධර්ම ශාලාව ගොඩනැගීමේ අරමුදල තුලම තියෙනව. ඒ මුදල් ආපසු ගන්න හිතදුන්නෙම නැහැ. මොකද කොහොම හරි මේ ධර්ම ශාලාව ගොඩනගනව කියන ස්ථාවරයෙයි අපි ඉන්නෙ.

වැසි දවසට ධර්මශාලාවේ පියස්ස තහඩු අතරින් වැහි වතුර ගලනව. මොකද දිරපු තහඩු උඩට කොස් ගෙඩි වැටිල වහලෙ හොදටම කැඩිලයි තියෙන්නෙ. අන්න ඒ නිසා අර පින්වත් යාලුව එව්ව මුදල් ටික හරිම ප්‍රයෝජනවත් උනා. ඒ නිසා අඩි 10ක් දිග තහඩු 18ක් විහාරස්ථානයේ ධර්මශාලාව තෙමෙන එක නවත්තන්න පියස්ස හදන්න පූජා කලා.

Read More

කඨින පින්කමක් වෙනුවෙන් සිවුරු පිරිකර විස්සක් පරිත්‍යාග කල වගයි …

By All Posts, කඨින පින්කමක් වෙනුවෙන් සිවුරු පිරිකර විස්සක් පරිත්‍යාග කල වගයි

නයිලිය ශ්‍රී නාගංගනාරාම විහාරස්ථානයේ  2013/11/03 දින පැවැත්වූ කඨින චීවරය පූජාව වෙනුවෙන් පැමිණි විසිනමක් (20) පමණ වූ ගෞරවනීය ස්වාමීන් වහන්සේලා සියලු දෙනාටම අපි සිව්රු පිරිකර  පූජා කලා. කඨින පූජාව පැවැත්වුනේ කුරුණෑගල බෝයගේනේ නයිලිය ශ්‍රී නාගංගනාරාම විහාරස්ථානයේදීයි. මේ වෙනුවෙන් විදෙස්ගතව සිටින අපේ පින්වත් මිතුරු මිතුරියන් කිහිප දෙනෙක්ම දායක උනා. ඒ අයගේ නම් මෙසේයි.

01.  නිශාන් සුරංග
02.  අසංක ජයමාලි
03.  මංජුල කිලක් කුමාර
04.  ගගන මංජුල
05.  ප්රභාත් ප්රේමතිලක
06.  සුනාලි මධුවන්ති
07.  නිරෝෂා දමයන්ති
08.  නෙත්සර තේජාන්
09.  චමින්ද රත්නායක
10. දර්ශන නිලාන් පරණමාන්න

යන පින්වත් සොයුරැ සොයුරියන් තමයි මේ වෙනුවෙන් දායකඋනේ.

Read More

පන්සිය පණස් ජාතක පොත් වහන්සේ නමක් ගෞතම බුදු සසුනට පූජාකල වගයි …

By All Posts, පන්සිය පණස් ජාතක පොත් වහන්සේ නමක් ගෞතම බුදු සසුනට පූජාකල වගයි

මේ කියන්න යන්නෙ තවත් අපි සිදුකල පින්කමක් පිලිබදවයි

චෛත්යරාජයන් වහන්සේ සසුනට පිද්න දා පන්සිය පණස් ජාතකපොත් වහන්සේ නමක් අපි සසුනට පූජා කලා. මේ මහා පින්කමටදායක උනේ රෝෂිණී පෙරේරා මහත්මියයි. පින්කමට අදාල සියලුපින්තූර මෙහි පහල දැක්වෙනව.

හරි. එතකොට මේ මහ පින්කම ධර්ම දානයක් බව දන්නවනෙ. හොදයිමොනවද ධර්මදානයේ ආනිසංස.
පින්වත් යාලුවනේ බුදු හාමුදුරුවො දේශනා කරන්නෙ ධර්මදානයේඵල විපාක මෙච්චරය කියන්න බැහැ.

සබ්බ දානං ධම්ම දානං ජිනාති
ධර්ම දානය හා සමකල හැකි කිසිද දානයක් නෑ.
ධර්ම දානය උතුම් බවත් එහි ආනිසංස පහක් බවත් දේශනා පාලියෙහිසඳහන්ව තියෙනව.

1. බොහෝ දෙනාට ප්‍රිය වීම (බහුනො ජනස්ස පියො හොති)
2. සත්පුරුෂ ආශ්රය ලැබීම (සප්පුරිසො භජන්ති)
3. කීර්තිය පැතිරීම (කල්යාණොකිත්ති සද්දො අභුග්ග චඡති)
4. ගිහි ධර්ම කෙළසා නොගැනීම (ගිහි ධම්මො අන පෙනා හොති)
5. දෙව්ලොව ඉපදීම (පරම්මරණා සුගතිං සග්ගං ලොකං උප්පජ්ජති)
ධර්ම දානය කරන ක්රම කිහිපයක්ම තියෙනව. මේ බලන්න.

1. ධර්ම දේශනා කිරීම
2. ධර්ම දේශනා කරවීම හා ධර්ම පූජා පැවැත්වීම
3. දහම් පොත් පත් සඟරා මුද්රණය කර බෙදා හැරීම
4. ධර්මය ඉගැන්වීම
5. පිරිස් වලට බණපොත් කියවීම
6. අන්යයන් ශීලයෙහි ගුණයෙහි පිහිටුවීම
7. දරුවන්ට ධර්මය උගන්වා ධර්ම දේශකයන් කරවීම
8. ධර්ම දේශක භික්ෂූන්ට දහම් පොත් පත්, තෙල් පහන්, බෙහෙත්,වාහන, මුද්දර, ගමන්පහසු, විජිනි පත් හා සිවුපසය ආදිය සැපයීම
9. ධර්මය ඉගෙන ගන්නා භික්ෂූන්ට දහම් පොත් පත් තීන්ත පෑන්කඩදාසි තෙල් පහන් හා සිව්පස දීම
10. ඉරුදින දහම් පාසල් පිහිටුවීම, පවත්වාගෙන යාම, ධර්මය ඉගෙනගන්නා ළමයින්ට තෑගි බෝග දී උනන්දු කරවීම, ඇඳුම් පැළඳුම් පොත් පත්දීම
11. ධර්ම දේශකයන් වහන්සේලාට අවශ්ය වියදම් දීම,
12. ධර්ම ශාලා කරවීම, සැරසීම, ඒවාට පහන් පැදුරු ආදිය සැපයීම
13. ධර්මාසන කරවීම හා ඒවාට ඇතිරිලි, උඩු වියන් බුමුතුරුණු,පාවාඩ පූජා කිරීම
14. ධර්ම දේශකයන් වහන්සේලාගේ පා සේදීම, පය පිස දැමීම, වියන්ඇල්ලීම, පාවාඩ දැමීම
15. පිරිස් වන්දනා, පූජා, ධර්ම සජ්ක්ධායනාදි විවිධ පින්කම් වලයෙදවීම

මේ ආදී ධර්ම දානයට උපකාරී වන ලොකු කුඩා සියලු කටයුතු කිරීමධර්ම දානමය කුසල් ලැබීමට හේතුවන බව සැලකිය යුතුයි. ධර්මදේශනා කිරීමට භික්ෂූන් වහන්සේ නමක් වඩින විට තමන්ගේඅත්ලේන්සුව හෝ තුවාය හෝ පාවාඩයක් හැටියට එලා සමහරශ්රද්ධාවන්ත උපාසක උපාසිකාවෝ ධර්ම දානමය කුසල් සිදු කර ගනිති.ධර්ම දේශකයන් වහන්සේ දැක නැගිටීම ද වැඳීම ද සාදුකාර දීම ද කුසල්බව සිතට ගත යුතුය. සද්ධර්මාලංකාරයෙහි මෛත්රී බුදුන්දකින්නන් දැක්වෙන තැන මෙසේ සඳහන්වේ. ‘බණ කියන ගෙයි පහන්දැල්වූවෝ දකිනි’.

‘බණ කියන්නන් ආචාර උපචාරයෙන් වඩා ගෙනවුත් සකස් කොට බණපැවැත්වූවෝ දකිති. විජිනිපත් දුන්නෝ ද දකිති. බණ පොත ලියවූවෝදකිති. තමන් ලියවූ පොත අකුරු ගණනින් චක්රවර්තී සම්පත් ආදි වූසැපත් ලදින් සුවපත් වූවෝ මෙතේ්බුදුන් දකින්නාහුමය. තවදආමිස ධර්ම දානාදියෙන් සංඝයා වහන්සේට සත්කාර කළාහු දකිත්මය.

පින්වත් යහලුවනේ ධර්ම දානය අට මහ කුසල්වලට අයිතියි. අට මහකුසල් කියන්නෙ දැනට කරන්න පුලුවන් බලගතුම පින්කම් අටක්.මෙන්න ඒ අට.

1.කඨින සිවුරක් පූජා කිරීම
2.අටපිරිකර පූජාකිරීම
3.ආවාස ගෙයක් තනවා සඟසතුකර පූජා කිරීම
4.බුදුපාමොක් මහ සඟනට සඟ සතු කර දන්දීම.
5.බුද්ධ ධර්ම දානය සිදුකිරීම.
6.සඟ සතු කර හෝ බුද්ධ පූජා වශයෙන් කෙත් වතු පිදීම
7.බුදු පිළිම සෑදවීම, චෛත්ය විහාරගෙවල් මුලසුන් ආදිය සෑදවීම
8.වැසිකිළි තනවා සඟසතු කර පිදීම.

යන මේ පිංකම් අට අටමහා කුසල් නම්වේ. මේ පින්කම් වල ආනිසංසකියල නිම කරන්න බැහැ. කල්ප කෝටි ගණන් විපාක දෙන පින්කම් මේව.ඒ විතරක් නෙවෙයි. පංච ආනන්තරයි පාපකර්ම හැර ( මව මැරීම, පියාමැරීම, රහතුන් මැරිම, බුදුන්ගේ ඇගේ ලේ සෙලවීම, සංඝභේදය )අනිත්සියලු පව් යටපත් කරන්න තරම් මේ පින්කම් බලවත්.

ඉතින් මෙවන් දානාදි පින්කම් වලට සම්බන්ධ වූ රෝෂිණී අක්කගෙනමින් මිය පරලොව ගිය සියලු ඥාතීන් අත්වැරදීමකින් හෝ දුක් සහිතතැනක ඉපදී ඇත්නම් සැපවත් තැනක උපදිත්වා.. සැපවත් තැනක ඇත්නම්වැඩි වැඩියෙන් සැප ලැබේවා. කෙලවර අමා හම නිවන අත්වේවා.විශේෂයෙන් ඔබවන් පින්වත් දරුවෙක් හදා වඩා පෝෂණයකල ඔබේපින්වත් දෙමාලියන්ට මේ කුසලය මහා පාරමිතාවක්ම වේවා. ඔබගේ දූදරුවන්ට යහපත් අනාගතයක් අතිවේවා. නිදුක් නිරෝගී සුවබරජිවිතයක් ලැබේවා. විශේෂයෙන් දූ දරුවන්ගේ ඉගෙනීම් සාර්ථක වේවා.සියලු යහපත් පැතුම් සාර්ථක වේවා. කෙලවර පතන බෝදියෙන් නිවන්දැක්මට හේතාවේවා වාසනා වේවා …

බෞද්ධ සන්නිවේදනය සදහා වූ ජාත්‍යන්තර පදනම වෙනුවෙන් මම  එරන්ද ලක්මාල්ද සිල්වා …

පන්සිය පණස් ජාතක පොත් වහන්සේ - ටැංබාන විහාරස්ථානය

පන්සිය පණස් ජාතක පොත් වහන්සේ – ටැංබාන විහාරස්ථානය

මුහුණු පොතේ මිතුරු මිතුරියන්ගේ දායකත්වයෙන් කොත් වහන්සේලා දෙනමක් ගෞතම බුදුසසුනට පූජාකල වගයි …

By All Posts, මුහුණු පොතේ මිතුරු මිතුරියන්ගේ දායකත්වයෙන් කොත් වහන්සේලා දෙනමක් ගෞතම බුදුසසුනට පූජාකල වගයි

පින්වත් යාලුවනේ අපි තවත් පින්කමක් සිදුකලා. ඒ තමයි කොත් වහන්සේලා දෙනමක් පූජාකලා. මේ කොත් වහන්සේලා දෙනම පූජා කලේ පොල්ගවෙල, පනලිය, රන්සිරි විජයාරාම විහාරස්ථානයටමයි. හරියටම  කියනවනම් චෛත්‍යරාජයන් වහන්සේ ප්‍රතිදංස්කරණය කොට පූජාකල පන්සලට. මේ විහාරස්ථානයේ ධාතුමන්දිරය පමණයි තිබුනෙ. ඒ අවස්ථාවදි පුස්ථකාලයක් නිර්මාණය උනා. ඉතින් පින්වත් යාලුවනේ මේ පුස්තකාලය සහිත ධාතු මන්දිරයට කොත් වහන්සේලා දෙනමක් පූජා කරන්නට අපිට හැකි උනා. ඒ සදහා දායක උනේ

01.  මොශාන්ත නිරන්ජන් මහතා – රු. 6750/=
02.  රුවන් එස් ජයසිංහ මහතා – රු.6750/=

රු. 13500/= කට මේ කොත් වහන්සේල අපිට ලැබුන. මේ පිලිබද විස්තර සහිත ඡායාරූප  මෙහි ඡායාරූපවලින් බලන්න පුලුවන්.
Read More