වනවාසී භික්ෂූන් වහන්සේට ජලය සහ වැසිකිලි පහසුකම් ලබාදුන් වගයි ... - IFBC Organization | Our Projects

Posted by | August 19, 2016 | Uncategorized | No Comments

අපේ බ්ලොග් එක පුරාමත් විස්තර තියෙනව.
http://www.sasuna.blogspot.com/
අපේ සංවිධානයෙ ෆේස්බුක් පේජ් එක ‍
www.facebook.com/buddhist.foundation

හම්බන්තොට ප්‍රෙද්ශයේ යාල මහ ඝන කැලයේ අඩි 400න් පමණ උස ගල් පියස්සක බවුන් බඩනා පූජණීය මහා සංඝරත්නය විෂයයෙහි පැන් පහසුකම සහ වැසිකිලි පහසුකම ලබාදෙන්නට අපිට පුලුවන් උනා. ඒ මහා පින්වත් ස්වාමීන් වහන්සේ දිනකට එක්වේලක් පමණක් වලදමින් අධි සිල් ප්‍රතිපදා රකිමින් මේ මහා ඝොර සසරින් මිදෙන්නට වෑයම් කරමින් සිටී.

එවන් ගුණවෘද්ද, තපෝවෘද්ධ, සීලවෘද්ද මහා සංඝරත්නය විෂයයෙහි පින්වත් මිතුරු මිතුරියන්ගේ රු ලක්ෂ තුනකට ආසන්න මුදල් පරිත්‍යාගය මත මේ මහා පින්කම කරන්නට හැකි උනා.

මුලින් ස්වාමීන් වහන්සේලා දෙනමකට මේ පින්කම සිදුකරන්නට බලාපොරොත්තු උනා. ස්වාමීන වහන්සේලා දෙනමගේම අවශ්‍යතා සදහා වියදම් තමයි පහත දක්වල තියෙන්නෙ. ඒත් හදිසියේම අපි රැගෙන ගිය ජෙනරේටරයක් අක්‍රිය වීම නිසා ත්, ඒ ස්වාමීන් වහන්සේ වෙනුවෙන් කලන ලද ලිදේ ජලය නොමැති වීම නිසාත් තණමල්විල ස්වාමීන් වහන්සේ ගේ වැඩ කටයුතු නිම කරන්නට බැරි උනා. ස්වාමීන් වහන්සේලා දෙනම වෙනුවෙන්ම දැරූ වියදම් මෙහි සටහන් කර ඇති අතර තණමල්විල ස්වාමීන් වහන්සේ වෙනුවෙන් නලලිදක් සකස් කිරීමේදී නැවත ඒ වියදම් දරන්නට අවශ්‍ය වෙන්නෙ නැහැ.

පින්කම පිණිස මේ පිනවත් මිතුරු මිතුරියන් මුදල් ලබා දුන්නා …

සංජය ආරච්චිගේ මහතා                       රු 80,000.00
සේපාලිකා සොයුරිය                             රු 50,000.00
ජනක මහතා                                         රු 25,000.00
සජී ආරච්චිගේ සොයුරිය                        රු 20,000.00
ප්‍රියදර්ශනී ප්‍රනාන්දු සොයුරිය             රු 10,350.00
අරුණා කෝන්ගහේ සොයුරිය                රු 10,000.00
තාරක විතානගේ මහතා                          රු 10,000.00
තරුමිණි පෙරේරා දියණිය                     රු 10,000.00
නිමල් අමරසිංහ මහතා                         රු 10,000.00
රීටා දැකුම්පිටිය මාතාව                         රු 10,000.00
පුබුදුනි අක්කා                                       රු 10,000.00
කපිල විමලරත්න මහතා                          රු 7,431.00
පර්සි ජයතිලක මහතාමහතා                   රු 5,450.00
එන්.අමරසිංහ සොයුරිය                        රු 5,000.00
ශාමික සදරුවන් මහතා                          රු 5,000.00
සුමිත් සෙනෙවිරත්න මහතා                   රු 5,000.00
පුෂ්පා ජයසිංහ මහත්මිය                        රු 5,000.00
චාමික සදරුවන් මහතා                         රු 5,000.00
ඉෂාර ප්‍රනාන්දු මහතා                          රු 4,000.00
පුලනි වෑවලගේ සොයුරිය                      රු 3,000.00
ශෙහානි බොතේජු සොයුරිය                  රු 3,000.00
අමිල ගමගේ මහතා                               රු 3,000.00
කැලූම් සම්පත් මහතා                             රු 2500.00
ගයාන් ගුණතිලක මහතා                        රු 2,000.00
හිරන්ත මදුසංක මහතා                           රු 2,000.00
වත්සලා ජීවපානී මෙනෙවිය                   රු 1000.00
ඉෂාන් උදය මහතා                                රු 1,000.00
විජිතා වීරසිංහ මාතාව                            රු 1,000.00
තිළිණ විජේවර්ධන මහතා                     රු 1,000.00

—————————————————-
ලද මුලු මුදල                                         රු 306731.00

දරන ලද වියදම

ප්‍රවාහන වියදම රු 30,500.00
ලිද කැපීම සදහා වියදම රු 9,000.00
ආහාර වියදම රු 7500.00
වතුර මෝටර් 02 සදහා රු 28,000.00
ජෙනරේටර් 02 සදහා රු 72,000.00
යකඩ බට, අමානෝ තහඩු, ඇණ තීන්ත ආදී සියලු වියදම රු 80,120.00
දින පහක් නොමිලේ වැඩකල සියලු දෙනාට සිය අවශ්‍යතා මිලදී ගන්නට දුන් මුදල රු 5,000.00

——————————————————————-

මුලු එකතුව රු 232,120.00

ඉතිරි මුදල 74,611.00

තණමල්විල ස්වාමීන් වහන්සේගේ  වෙනුවේද දැරූ අමුද්‍රව්‍ය වියදම්ද ඉහත වියදමට ඇතුලත් අතර ඒ ස්වාමීන් වහන්සේ වෙනුවෙන් නළ ලිදක් ඉදිරියේදී ඉදිවනු ඇති. නමුත් අපි ලබාගත් අමුද්‍රව්‍ය වියදම් නැවත දරන්නට අවශ්‍ය වෙන්නේ නැහැ. ඉතිරි සියලු මුදල් වනවාසී ස්වාමීන් වහන්සේ වෙනුවෙන් නල ලිදක් ලබාදීමට යොදවනවා …

ඔබ සියලු දෙනා දායක වී සිදුකලේ මහා පින්කමක්.

මේ මහා වස්කාලයේ ඉතාම පුංචි දෙයක් ලබා දීමත් මහත් ඵල මහා ආනිසංස ලබාදෙනව. වස්කාලය යනු මහා පින් රැස්වන කාලයක්. ඒවන් වකවානුවක ඉතාම සිල්වත්, ගුනවෘද්ද, තපෝවෘද්ද, සීලවෘද්ද මහා සංඝරත්නයට අත්‍යවශ්‍ය පැන් සහ වැසිකිලි පහසුකම් ලබාදීම කියල නිමකරන්න බැරි කුසලයක්.

බුදු දහම තුල මහා කුසල් වර්ග අටක් සදහන් වෙනවා. මේ කාලයේ කරගත හැකි විශාලතම තුසල් අට එයයි. ආනන්තරිය පාපකර්මයකට හැර එවන් අට මහා කුසලයක් යටපත් කරන්නට බැහැ. ඒ අටමහා කුසල්නම්

කඨිනං ච පරික්ඛාරං – වාස දානංච උත්තමං
බුද්ධප්පමුඛසංඝස්ස – දානං ධම්මස්ස ලේඛනං
ඛෙත්ත දානංච සංඝස්ස – පටිමා කරණං පි ච
කරණං වච්ච කුටියා – අට්ඨ පුඤ්ඤානි වුච්චරේ” මෙහි දැක්වෙන අටමහා කුසල් මෙසේය.

 

1.කඨින සිවුරක් පූජා කිරීම
2.අටපිරිකර පූජාකිරීම
3.ආවාස ගෙයක් තනවා සඟසතුකර පූජා කිරීම
4.බුදුපාමොක් මහ සඟනට සඟ සතු කර දන්දීම.
5.බුද්ධ ධර්මය ලිවීම හා ලියවීම දහම් පොත්පත් මුද්‍රණය කරදීම බෙදා හැරීම.
6.සඟ සතු කර හෝ බුද්ධ පූජා වශයෙන් කෙත් වතු පිදීම
7.බුදු පිළිම සෑදවීම, චෛත්‍ය විහාරගෙවල් මුලසුන් ආදිය සෑදවීම
8.වැසිකිළි තනවා සඟසතු කර පිදීම.

යන මේවා වේ.

මේ පිංකම් අට අනෙක් පිංකම් වලට වඩා සුවිශේෂී වන්නේ විශේෂ හේතුවක් ඇති බැවිනි. අකුසල් සිත් යටපත් කර කුසල් සිත් උපදවා ගෙන මෙම අටමහා කුසල් කරන අයහට සසර තමා විසින් මව මැරීම ආදී පංචානන්තරීය අකුසල් සිදුකර නොමැති අයට වෙනත් යම් යම් අකුසල් දැන හෝ නොදැන කර තිබුණහොත් ඒවා තාවකාලිකව යටපත් කොට අකුසලයේ විපාකය විඳීන්නට නොදී අටමහා කුසලයක් ඉදිරිපත්වී එයින් සැප විපාක ලබාදීමට සමත් වන බව දහමෙහි දැක්වේ.

( එහෙත් අකුසලවිපාක සම්පූර්ණයෙන්ම අහෝසිවුවායි නොසිතිය යුතුවේ. නමුත් තාවකාගිකව හෝ යටපත් වේ ) මේ හේතුව නිසා අටමහා කුසලයන් සිදු කරගැනීමට බොහෝදෙනා උනන්දුවෙති. එසේම මෙම පිංකම් සිදුකිරීම තුළින් පරියාප්ති, ප්‍රතිපත්ති, හා ප්‍රතිවේද යන ත්‍රිවිධ ශාසනයේ චිරස්ථිතියටද විශේෂයෙන් මේ කාරණය හේතුවන බවද කිවයුතු වේ. මේ පිංකම් අනාගත ශාසනයේ උන්නතිය බලාම හඳුන්වා දී ඇති බව සිතිය හැකිය.

බොදු ජනතාවගේ ලෞකික හා ලෝකෝත්තර අභිවෘද්ධිය සළසා ගැනීමටත් මෙම අටමහා කුසලයන් හේතුවන බව ත්‍රිපිටකයේ සඳහන් විවිධ පිංකම්වල අනුසස් ප්‍රකාශකරන තැන්වල දක්නට ඇත. එහෙයින් අටමහා කුසලයන් සිදුකර ගැනීමට හොඳම කාල පරිච්ඡේදය වන්නේ මේ චීවර මාසය බව සඳහන් කළ හැකිවේ.

මෙහිදී අපි සිදුකල වැසිකිලි පූජාව මොහොතක් බලමු

වැසිකිළි කරවීම

අටමහා කුසල් අතර අටවන මහා කුසලය වශයෙන් සඳහන් වෙන්නේ වැසිකිළි සාදවා මහ සඟනට සඟසතු කොට පූජා කිරීම හෝ පොදු ජනතාවගේ ප්‍රයෝජනයට අවස්ථාව උදාකිරීම මෙම පිංකමට දායක විය හැකිය.

ශිෂ්ට සම්පන්න ජන සමාජයක් තුළ වැසිකිළි භාවිතා කිරීම අවශ්‍යම කාරණයකි. එවිට බාහිර පරිසරය දූෂණය නොවේ. ලෙඩරෝග බෝවීම වැළකේ. නීරෝගී ජන සමාජයක් බිහි කිරීමට මෙම කරුණුද විශේෂ හේතුවකි. බුද්ධ දේශනයේදී විශේෂ අවධානය යොමුවූ කාරණයකි වත් පිළිවෙත් අනුගමනය කිරීම. ඒ වෙනුවෙන් චුල්ලවග්ග හා මහා වග්ග පාලි යේ වත්තකඛන්ධකය යනුවෙන් වෙනම කොටසක් වෙන්කර ඇත. ඒ වත් අතර වැසිකිළිවත කෙසිකිළිවත එකකි.

එම වැසිකිළි කෙසිකිළි භාවිතා කරණ ආකාරය ද දහමේ වත් මගින් පැහැදිළිකර ඇත. විනය ග්‍රන්ථයේ මනා විවරණයක් ඒ සඳහා වේ. නිතරම වැඩිමහළු පිළිවෙළට හෙවත් වෘද්ධ පටිපාටිය අනුගමනය කරන සංඝ සමාජය මෙම වැසිකිළි වතෙහිදි ආගත පටිපාටිය හෙවත් වැසිකිළියට යන්න ආපිළිවෙළට යාමට අවස්ථාව විනයෙන් හිමිකර දී ඇත. එය පාවිච්චි කිරීමෙන් පසු සෝදා පිරිසිදු කරණ ආකාරය පවා මෙහි දක්වා ඇත.

එසේම ස්වාමීන් වහන්සේට පැන් පහසුව සලසා දීම සදා පින් වැජෙන පින්කමක් බව වනරෝපණ සූත්‍රෙය් සදහන් වේ.

තවද දිවා රාත්‍රී පින් වැඩෙන පිංකම් පහක් පිළිබඳව වන රෝප සූත්‍රයෙහි සඳහන් වේ.

 

ආරාම රෝපා වනරෝපා
යේ ජනා සෙතු කාරකා
පපඤ්ච උදපානං ච
යෙ දදන්ති උපස්සයං
තේසං දිවා ච රත්තෝච
සදා පුඤ්ඤං පවඩ්ඪති

ඒවා නම් මෙසේය.
1ආරාම රෝපණය :- මෙහි ආරාම රෝපනය යනු මල් වතු පළතුරුවතු වැවීම අදහස් කෙරේ.2.වන රෝපනය :- වන සංරක්ෂණය කිරීම හා වතු වගා කිරීම මින් අදහස් කෙරේ.
3.ඒ.ඒදඬු පාළම් කරවීම (සේකුකාරක)
4.පැන්හල් ළිං පොකුණු සෑදවීම (පපංච උදපානංච)
5.වාසස්ථාන කරවාදීම (උපස්සය දානය)

මේ අනුව ස්වාමීන් වහන්සේට පැන් ලබාදීම සදා පින් වැඩෙන පින්කමක් බව ධර්මයේ සදහන් වේ.

මේ ආනිසංස පිලිබද වැඩි දුරටත් දැනගැනීමට ස්වාමීන් වහන්සේගේ ධර්ම දේශනය ශ්‍රවණය කරන්න.

ඉතින් පින්වත් යාලුවනේ. ඔබ හැදූ වැඩූ දෙමාපියන්ටත්, දුවා දරුවන්ටත්, ඤති හිතමිතුරන්ටත් මේ පින් හිමිවේවා. මේ පින් බලයෙන් ඔබට නිදුක් නිරෝගී සුවබර කාලයක් උදාවේවා. විශේෂයෙන්මකායික මානසික පීඩාවන්ගෙන් තොරව සැපවත් ජීවිතයක් ලබන්නට මේ පින හේතුවාසනා වේවා.. තබන තබනපියවරක් පාසා නොබියව, නොසැලී දුර දක්නා නුවණින් ඉදිරියට යන්නටත්, බාධක කම්කටොලු අවම වන්නටත්මේ පින හේතුවාසනා වේවා. ස්වාභාවිකව ජීවිතයකට එල්ලවන අභියෝග සාමාන්‍ය දෙයක් උවත් ඒ සියලුඅභියෝගයන්ට අභීතව මුහුණදෙන්නට ඔබට මේ පින හේතුවාසනා වේවා. සතර දිගින් සතර මහා වස්තු පහල වේවා. සිව් දිගින් ගප්රුක් පහලවේවා. අහසින් රුවන් වැසි වැටේවා. පොළවෙන් මුතු මැණික් මතුවේවා. සසරපුරාවටම නැහැ බැහැ කියනවචනයක්වත් අහන්නට නොලැබේවා. නිවන් දක්නා ජාති දක්වාම ආයු,වර්ණ,සැප,බල,ප්‍රඥාවන්හි කිසිදු අඩුවක්නොවේවා. මෙපින් බලෙන් ගැඹුරු ධර්මතාවන් පවා තේරුම් ගැනීමට නුවණ පහලවේවා. නිවන් දක්නා ජාතිදක්වාම සද්ධර්මය ඇසෙන පරිසරයකම උපත ලබන්නටත්, සද්ධර්මය නොඇසෙන කාලයන්හිදී අඩුමතරමින්පන්සිල් රකින ප්‍රදේශයක උපත ලබත්වා. නිවන් දක්නා ජාති දක්වාම කිසිදු වස්තු සම්පතක් අඩු නොවේවා. කිසිදුකලෙක පිරිස් සම්පත් අඩුනොවේවා. සිත නිරන්තරයෙන්ම දහමට නැඹුරුවේවා , සසර පුරාම දන්දෙන්නට සිත්පහලවේවා, දුන්දෙයක කිසි කලෙක සිත් නොඇලෙන්නටත්, දන්දෙන්නට සිතන සෑම විටකම දානවස්තූන්පහලවන්නටත් මෙපින් හේතුවාසනා වේවා.

ජයශ්‍රී මහබෝ සමිදු බලෙන්, රුවන් වැලි මහ සෑ රජුන්ගේ බලයෙන්, තව්තිසා දෙව්ලොව සිලුමිණ සෑආනුභාවයෙන්, කේෂධාතූන් වහන්සේ, ලලාට ධාතූන් වහන්සේ,ග්‍රීවා ධාතූන් වහන්සේ, අකු ධාතූන් වහන්සේ,සතර දලදා වහන්සේ, ආනුභාවයෙන්, සතර ශ්‍රීපාද ස්ථානයේ ආනුභාවයෙන්, බුද්ධගයා බෝධීන් වහන්සේ හාවජ්රාසනයේ ආනුභාවයෙන්, තුන්ලෝකය පුරා වැඩ සිටිනා බෝධීන් වහන්සේ, ප්‍රතිමා වහන්සේ, සෑරදුන්වහන්සේලා, සියලු සර්වඥ ධාතූන්වහන්සේලාගේ ආනුභාවයෙන්, විශ්වයේ පහලවූ සියලු බුදු, පසේබුදු, මහරතුන්වහන්සේලාගේ ආනුභාවයෙන්, තණ්හංකර, දීපංකර, මේධංකර, කොණ්ඩඤ්ඤ, මංගල, සුමන, රේවත, සෝභිත,අනෝමදස්සී, පදුම, නාරද, පදුමුත්තර, සුනීත, සුජාත, පියදස්සී, අත්තදස්සී, ධම්මදස්සී, සිද්ධත්ත, තිස්ස, ඵුස්ස,විපස්සී, සිඛී, වෙස්සභූ, කකුසද, කෝණාගමනථ කාශ්‍යප, ගෞතම යන බුදුවරුන් වහන්සේලාගේ බුදුවරයෙකුටපවා කල්පයකින්වත් කියා නිමකල නොහැකි අසම සම, අනන්ත, බුදුගුණ බලයෙන්ද ඔබගේ මතු අනාගතයඅතිශයින් සාර්ථක වේවා. මතුබුදුබව පතා තව්තිසා දෙව්ලොව වැඩවසන්නාවූ අසම සම, මහා කාරුණික, යම් දිව්‍යරාජයෙක් වේද මෛත්‍රී නම් වූ ඒ දිව්‍යරාජයන් වහන්සේද, සක්දේව රාජෝත්තමයානන් වහන්සේද, මාතෘ දිව්‍යරාජයන් වහන්සේද, රන්වැලි මහ සෑරදුන් ඉදිකලකල, රට ජාතිය එක්සේසත්කල, සම්බුද්ධ ශාසනයට අපරිමේයසේවයක් සිදුකල මතු බුදුවන මෙත් බෝසතුන්ගේ දකුනත්සව් හා වමත්සව් වන දුටුගැමුණු, සද්ධාතිස්ස මහදෙවියන්ද, ශාසනාරක්ෂක, ලෝකපාලක දෙවියන්ද විරූඪ, විරූපාක්ෂ, වෛශ්‍රවණ, දෘතරාශ්ඨ ආදී සතරවරම්දෙවියන්, මෙන්ම විශ්ණු, කතරගම, සමන්, පත්තිනි සතර මහා දෙවියන්ද නුවණට අධිපතිකම් කාරන්නාවූ ගණදෙවියන්, ශිල්ප ශාස්ත්‍රයට අධිපති සරස්වතී ආදි දෙවියන් ඇතුලුව දැඩිමුන්ඩ, විභීෂණ, ලක්ෂ්මී,කලුදේවතාබණ්ඩාර ආදී තිස්තුන්කොටියක් දෙවියන්ද මේ පින් අනුමොදන් වෙත්වා. ඔබට සියලු දෙවියන්ගේආශිර්වාදය, ආරක්ෂාව, ආකර්ෂණය ලැබේවා. රට ජාතිය වෙනුවෙන්, සම්බුද්ධ ශාසනය වෙනුවෙන් මහාසේවයක් ඉටුකර උපන් බිමට ණය ගෙවන්නට ඔබ සියලු දෙනාට යෝධ බල යෝධ ශක්තිය ලැබේවා. කෙළවරඅමා මහ නිවනින් සැනසෙන්නට මේ පින හේතුවාසනා වේවා. පින්කල සංවිධානය කල අපටත් සියලු සත්වයන්හටනිවන් මග පෙන්වමින් පැතූ බෝධියෙන් නිවනින් සැනසෙන්නට මේ පින් හේතුවාසනා වේවා.

සියලු චායාරූප නරඹන්න …

වනවාසී ස්වාමීන් වහන්සේට ජල පහසුකම් ලබාදීම ...

යාල මහ වනමැද බවුන් වඩනා වනවාසී ස්වාමීන් වහන්සේට ජල පහසුකම් ලබාදීම …

වීඩියෝව නරඹන්න

 

Leave a Reply

Your email address will not be published.

IFBC Home Page