මහා සංඝරත්නය රන්සිරිපා කරුනා කරවීම … 2020

By March 12, 2020Uncategorized

එන්න අපේ වෙබ්අඩවියට
www.ifbcnet.org

අපේ බ්ලොග් එක පුරාමත් විස්තර තියෙනව.
http://www.sasuna.blogspot.com/

අපේ සංවිධානයෙ ෆේස්බුක් පේජ් එක ‍
www.facebook.com/buddhist.foundation
.
මෙවරත් අපි මහා සංඝයා වහන්සේ වැඩමවාගෙනරන් සිරිපා කරුනා කලා …

සියලුම ගමන් ගාස්තුව කොටසක් පිරුවානා පොත් වහන්සේ පිරිකර වශයෙන්ද, ගිලන්පසද පින්වත් කුමෝෂා නංගි විසින් බාරගත්තා …

කුමෝෂා අබේවීර නංගි————–රු 75,700.00
නෙව්ෂිකා අක්කා———————රු 30,000.00
දුෂාන්ති ෙහ්රත් නංගි ————–රු 28,680.00
ලලින්ද්‍ර පෙරේරා මහතා————- රු 26,000.00
මදුශානි ගුණරත්න මහත්මිය——-රු 25,000.00
ප්‍රශාන්ත මහතා———————- රු 13,000.00
සුරේශා ගමාරච්චි සොයුරිය——— රු 12,000.00
මිතිලා විජේකොන් අක්කා———– රු 10,000.00
තරිදු චානක මහතා——————-රු10,000.00
රන්දිමා ධර්මසේන නංගි————–රු 8,000.00
ඉශාන් වික්‍රම මල්ලි———————-රු 6000.00
පුමුදු පෙරේරා මල්ලි———————රු 5000.00
රවින්ද්‍ර ප්‍රනාන්දු මහතා—————-රු 5,000.00
දිලාන් ඉෙරා්ෂණ ————————රු 5000.00
ලයනල් ගුණතිලක මහතා————-රු 4,000.00
යමුනා බටුවංගල මහත්මිය———–රු 4,000.00
පුබුදුනී රූපසිංහ අක්කා—————රු 2,000.00
හිරන්ත මල්ලි —————————රු 2000.00
නිශාන් ගුණරත්න මහතා————-රු 2,000.00
ශාමි දිසානායක නංගි——————රු 1700.00
තරිදු බණ්ඩාර මහතා —————–රු 1600.00
චමිල සෙනෙවිරත්න මල්ලි————-රු 1600.00
තිලිණ විෙජ්වර්ධන මල්ලි————–රු 1000.00
ජානකී මංජුලා මහත්මිය ————–රු 1000.00
———————————————————–
මුලු ලැබීම් —————————-රු 280,280.00

පින්කම සදහා පහත වියදම් සිදු කලා ….

ගමන් වියදම්——————— රු 86,000.00
පරිත් පොත් ———————-රු 16,200.00
සීතකබා ————————–රු 38250.00
නෙලුම් මල් (100ට)——————රු 1250.00
ඇක්ස් ඔයිල්———————— රු 1400.00
ගිලන්පස ආදිය ——————–රු 7,500.00
25 වන දින උදෑසන දානය ———රු 3500.00
බෙහෙත් මංජුසා ආදිය ———–රු 22986.00
——————————————————
මුලු වියදම් ————————රු 183086.00

පින්වත් නුවන් චින්තක මල්ලි විසින් සම්පූර්ණ ගමන සදහා අවශ්‍ය සියලු වතුර ලබාදුන්නා. ලීටරයේ වතුර බෝතල් සියයකට වැඩි ප්‍රමාණයක් ලබා දුන්නා. එසේම රත්නපුරය බෝධිරාජ විහාරස්ථානයේ නායක ස්වාමීන් වහන්සේගේ මග පෙන්වීම යටතේ පින්වත් සංජීව පෙරේරා මහතා ඇතුලු තරුණ කැල විසින් ස්වාමීන් වහන්සේලා සියලු දෙනා සදහා උදෑසන  දානය කිසිදු අඩුපාඩුවකින් ලබාදීමට කටයුතු කලා. එසේම උදෑසන දානය ලබාදීම පින්වත් ධනුෂ්ක හේමාල් අයියා විසින් සූදානම් කරන්නට යෙදුනා.

ගම්පහ දිස්ත්‍රික්කයට අයත් පිරිවෙන් දෙකක මහා සංඝරත්නය මෙම සිරිපා වන්දනාවට වැඩම කල අතරඉන් බහුතරයක් ස්වාමීන් වහන්සේ කවදාවත් සිරිපා වන්දනා කොට තිබුනේ නැහැ.

ඉතින් ඔබ සියලු දෙනා සිදුකරගත්තෙ මහා පින්කමක් ඒ පිනේ ආනිසංස කොච්චරද කියල කියල්ල බැහැ. මහා සංඝරත්නය හිතේ හැටියට රන් සිරිපා පියුම වැදපුදාගත්ත.

මේ පින්කම වෙනුවෙන් මුදල් ආධාර වගේම ප්‍රවාහන පහසුකම් ලබාදුන්න, වෙහෙස මහන්සි උන බොහෝම දෙනෙක් ඉන්නව. ඒ වගේම මේ පින්කම කරගන්න ලැබුනෙ ගෞරවණීය මහා සංඝරත්නය නිසා. උන්වහන්සේලා ඇතුලු දායක වූ වෙහෙස මහන්සි වූ ඒ හැම දෙනාටම මේ පින් ඒකාකාරව හිමිවේවා.

 

මේ පින් බලයෙන් ඔබට නිදුක් නිරෝගී සුවබර කාලයක් උදාවේවා. විශේෂයෙන්ම කායික මානසික පීඩාවන්ගෙන් තොරව සැපවත් ජීවිතයක් ලබන්නට මේ පින හේතුවාසනා වේවා.. තබන තබන පියවරක් පාසා නොබියව, නොසැලී දුර දක්නා නුවණින් ඉදිරියට යන්නටත්, බාධක කම්කටොලු අවම වන්නටත් මේ පින හේතුවාසනා වේවා. ස්වාභාවිකව ජීවිතයකට එල්ලවන අභියෝග සාමාන්‍ය දෙයක් උවත් ඒ සියලු අභියෝගයන්ට අභීතව මුහුණදෙන්නට ඔබට මේ පින හේතුවාසනා වේවා. සසරපුරාවටම නැහැ බැහැ කියන වචනයක්වත් අහන්නට නොලැබේවා. නිවන් දක්නා ජාති දක්වාම ආයු,වර්ණ,සැප,බල,ප්‍රඥාවන්හි කිසිදු අඩුවක් නොවේවා. මෙපින් බලෙන් ගැඹුරු ධර්මතාවන් පවා තේරුම් ගැනීමට නුවණ පහලවේවා. නිවන් දක්නා ජාති දක්වාම සද්ධර්මය ඇසෙන පරිසරයකම උපත ලබන්නටත්, සද්ධර්මය නොඇසෙන කාලයන්හිදී අඩුමතරමින් පන්සිල් රකින ප්‍රදේශයක උපත ලබත්වා. නිවන් දක්නා ජාති දක්වාම කිසිදු වස්තු සම්පතක් අඩු නොවේවා. කිසිදු කලෙක පිරිස් සම්පත් අඩුනොවේවා. සිත නිරන්තරයෙන්ම දහමට නැඹුරුවේවා , සසර පුරාම දන්දෙන්නට සිත් පහලවේවා, දුන්දෙයක කිසි කලෙක සිත් නොඇලෙන්නටත්, දන්දෙන්නට සිතන සෑම විටකම දානවස්තූන් පහලවන්නටත් මෙපින් හේතුවාසනා වේවා. ජයශ්‍රී මහබෝ සමිදු බලෙන්, රුවන් වැලි මහ සෑ රජුන්ගේ බලයෙන්, තව්තිසා දෙව්ලොව සිලුමිණ සෑ ආනුභාවයෙන්, කේෂධාතූන් වහන්සේ, ලලාට ධාතූන් වහන්සේ,ග්‍රීවා ධාතූන් වහන්සේ, අකු ධාතූන් වහන්සේ, සතර දලදා වහන්සේ, ආනුභාවයෙන්, සතර ශ්‍රීපාද ස්ථානයේ ආනුභාවයෙන්, බුද්ධගයා බෝධීන් වහන්සේ හා වජ්රාසනයේ ආනුභාවයෙන්, තුන්ලෝකය පුරා වැඩ සිටිනා බෝධීන් වහන්සේ, ප්‍රතිමා වහන්සේ, සෑරදුන් වහන්සේලා, සියලු සර්වඥ ධාතූන්වහන්සේලාගේ ආනුභාවයෙන්, විශ්වයේ පහලවූ සියලු බුදු, පසේබුදු, මහරතුන් වහන්සේලාගේ ආනුභාවයෙන්, තණ්හංකර, දීපංකර, මේධංකර, කොණ්ඩඤ්ඤ, මංගල, සුමන, රේවත, සෝභිත, අනෝමදස්සී, පදුම, නාරද, පදුමුත්තර, සුනීත, සුජාත, පියදස්සී, අත්තදස්සී, ධම්මදස්සී, සිද්ධත්ත, තිස්ස, ඵුස්ස, විපස්සී, සිඛී, වෙස්සභූ, කකුසද, කෝණාගමනථ කාශ්‍යප, ගෞතම යන බුදුවරුන් වහන්සේලාගේ බුදුවරයෙකුට පවා කල්පයකින්වත් කියා නිමකල නොහැකි අසම සම, අනන්ත, බුදුගුණ බලයෙන්ද ඔබගේ මතු අනාගතය අතිශයින් සාර්ථක වේවා. මතුබුදුබව පතා තව්තිසා දෙව්ලොව වැඩවසන්නාවූ අසම සම, මහා කාරුණික, යම් දිව්‍ය රාජයෙක් වේද මෛත්‍රී නම් වූ ඒ දිව්‍යරාජයන් වහන්සේද, සක්දේව රාජෝත්තමයානන් වහන්සේද, මාතෘ දිව්‍ය රාජයන් වහන්සේද, රන්වැලි මහ සෑරදුන් ඉදිකලකල, රට ජාතිය එක්සේසත්කල, සම්බුද්ධ ශාසනයට අපරිමේය සේවයක් සිදුකල මතු බුදුවන මෙත් බෝසතුන්ගේ දකුනත්සව් හා වමත්සව් වන දුටුගැමුණු, සද්ධාතිස්ස මහ දෙවියන්ද, ශාසනාරක්ෂක, ලෝකපාලක දෙවියන්ද විරූඪ, විරූපාක්ෂ, වෛශ්‍රවණ, දෘතරාශ්ඨ ආදී සතරවරම් දෙවියන්, මෙන්ම විශ්ණු, කතරගම, සමන්, පත්තිනි සතර මහා දෙවියන්ද නුවණට අධිපතිකම් කාරන්නාවූ ගණ දෙවියන්, ශිල්ප ශාස්ත්‍රයට අධිපති සරස්වතී ආදි දෙවියන් ඇතුලුව දැඩිමුන්ඩ, විභීෂණ, ලක්ෂ්මී, කලුදේවතාබණ්ඩාර ආදී තිස්තුන්කොටියක් දෙවියන්ද මේ පින් අනුමොදන් වෙත්වා. ඔබට සියලු දෙවියන්ගේ ආශිර්වාදය, ආරක්ෂාව, ආකර්ෂණය ලැබේවා. රට ජාතිය වෙනුවෙන්, සම්බුද්ධ ශාසනය වෙනුවෙන් මහා සේවයක් ඉටුකර උපන් බිමට ණය ගෙවන්නට ඔබ සියලු දෙනාට යෝධ බල යෝධ ශක්තිය ලැබේවා. කෙළවර අමා මහ නිවනින් සැනසෙන්නට මේ පින හේතුවාසනා වේවා.

 

පින්කල සංවිධානය කල අපටත් සියලු සත්වයන්හට නිවන් මග පෙන්වමින් පැතූ බෝධියෙන් නිවනින් සැනසෙන්නට මේ පින් හේතුවාසනා වේවා.

චායාරූප නරඹන්න

Siripa karunawa ...

Siripa karunawa – 2020