පින්වත් මිතුරියකගේ දායකත්වයෙන් සිදුකල සිල් රෙදි බෙදා දීම …

By September 16, 2019Uncategorized

එන්න අපේ වෙබ්අඩවියට
www.ifbcnet.org

අපේ බ්ලොග් එක පුරාමත් විස්තර තියෙනව.
http://www.sasuna.blogspot.com/

අපේ සංවිධානයෙ ෆේස්බුක් පේජ් එක ‍
www.facebook.com/buddhist.foundation

අයුබොවන් පින්වත් යාලුවනේ, පහුගිය ටිකේම එක දිගටම පින්කම් සිදුකරන්න පුලුවන් උනා. මටත් හරිම සතුටුයි. පින්වත් යහලුවො යෙහෙලියො දිගටම පින්කම් වෙනුවෙන් මිල මුදල් ලබාදුන්න පහුගිය ටිකේ. ඇත්තටම මේක ධර්මයේ තියෙන ආශ්චර්යයක්. ධර්මය පිහිට කරන් ජීවත්වෙන කොට ධර්මය විසින්ම අපිට ධර්ම මාර්ගයේ යන්න පාරකපල දෙනව. පින්වත් මිතුරු මිතුරියො මා කෙරේ තබපු විශ්වාසය මම ඒ යුරින්ම රැකල තියෙනව. පින්කම් වෙනුවෙන් එවපු එකම සතයක වටිනාකමකවත් මම  මගෙ පුද්ගලික ප්‍රයොජනයට අරන් නැහැ. මේ සියලු පින්කම් සදහා මම මගෙ අතින් රුපියලක් හරි වැඩියෙන් වියදම් කරනවමයි. අඩුම තරමින් ප්‍රෙට්‍රල් ගාම්තු, දුරකථන ගාස්තුවලනිවත් මම ඒ වියදම කරල ඇති. ඒ නිසා හදවතට එකගව බුදු සිරිපතුල් මත අත තියල දිව්රන්න පුලුවන් මම එක සතයක වංචාවක් මේ එකදු පින්කමකින්වත් සිදුකරල නැහැ කියල. සිදුකල සියලුම පින්කම් පිලිබද විස්තර මේ බ්ලොග් අඩවියෙන්ම බලාගන්න පුලුවන්.

හොදයි. ඔස්ට්‍රේලියාවෙ සේවය කරන පින්වත් කුමෝෂා අබේවීර නංගි  සසර දුකින් එතෙර වන්න කියන උත්තම ප්‍රාර්ථනාව ඇතිව පසුගියදා සිල් රෙදි පරිත්‍යාගයක් සිදුකලා. ඒ බිබිල නිල්ගල ආරන්‍ය සේනාසනයේදි..

මේ පින්කම වෙනුවෙන් වැය වූ මුදල රු 26,500.00. රෙදි උපාසක මහතුන් 5 දෙනෙකුටත් උපාසිකාවන් 19 දෙනෙකුටත් පසුගිය පෝදා බෙදා දුන්නා.

නංගි මේ කරගත්තෙ මහානීය පින්කමක්. මේ හා සමාන කතාවක් සීලවත්ථුප්පකරණය ග්‍රන්ථයේ සදහන් වෙනවා.

සුමන බාලිකාවගේ කථාව

********************

තාම්‍රපර්ණි දිවයින වනාහි තුන්සියයක් යොදුන් දිගැත්තේ ය. හැම පැත්තෙන් සාගර ජලයෙන් වටවිය. සඳමඬලේ හැඩහුරුකම් ඇතිවිය. ඒ ද්වීපයෙහි වූ අනුරාධපුර නමැති නගරය ශක්‍ර දේවේන්ද්‍රයාගේ පුරය මෙන් බබළයි. ඒ නගරයෙහි තිස්ස නම් උපාසකයෙක් ඔහුගේ දූ වූ සුමනා නම් බාලිකාවක් සමග වෙසේ’ ඕ තොමෝ එක් දිනක් පියා සමග දබරකොට කෝපයෙන් යුතුව ගෙයින් පිටවී කඩරොද නම් තැනට පැමිණ වනයට වැද සත්දිනක් ආහාරපාන නැතිව සාපිපාසාවෙන් මැඩී ගසක් මුල හුණි. පියා පසුව ගොස් වනයෙහි ඇය සොයා නොදැක ශෝකයෙන් මඩනාලදුව හැරී ගියේ ය. අන්කිසි මිනිසෙක් බත්මුලක් අතේ ඇතිව ගමනක් යන්නේ එහි හුන් ඇය දැක කරුණාභරිත වූයේ ධීතෘසෙනෙහය උපදවාගෙන මෙසේ කීය:

“දුව, මේ ආහාරය ඔබට දෙමි. එය කැමති සේ අනුභව කොට ශරීර ශක්තිය ලබාගෙන කැමති තැනකට යව”යි. ක්ලාන්ත වූ මාගේ ශරීරය දුර්වලය, මට ආහාර රුචි නොවේ; එබැවින් මෙය ගෙනයනු මැනවි; ඔබට මාර්ගෝපකරණ වන්නේය”යි දැරිය කීය. “මා විසින් එය පරිත්‍යාග කරන ලදී, ඔබට කැමති දෙයක් කරනු මැනවි. මම වැඩිදුරක් නැති ගමකට යමි”යි මිනිසා කීය.

ඉක්බිති ජීවිතයෙහි අපේක්‍ෂා නැතිව ගස් සෙවනෙහි හොත් ඕතොමෝ මෙසේ සිතී, මේ වනයෙහි යාමත් අපහසුය, දැන් පිනක් කරන්නට කාලය පැමිණියේය. මම පිනක් කොට මරණයට පැමිණෙන්නෙමි” යි. ඕ පොළොවේ අත ගසා යන්තම් නැගිට අත් පා පිසදමා අත්පුඩි ගසා මෙසේ කීය: ඉදින් මහත් ඍද්ධි ඇති බුද්ධ පුත්‍රයෝ මට අනුකම්පා කෙරෙත් නම් ඒ මහාවීරයෝ මෙහි පැමිණ මා අපායෙන් මුදත්වායි. දිවකණින් ඒ කීම ඇසූ පුවඟු දිවයිනේ එක් රහත්නමක් අහසින් ඇවිත් ඇය ඉදිරියෙහි සිටියේය.

පහන් සිතැති සුමනා තොමෝ අතිමහත් පී‍්‍රතියට පත්ව වැඳ ඒ බත ඒ තෙරනමට පිදී. නැවත ඉවතට ගොස් කොළ අතු ඇඳගෙන තමා ඇඳ සිටි වස්ත්‍රය අතට ගෙන තෙරුවන් වෙත අවුත් ස්වාමීනි, මේ මාගේ අන්තිම දානය සම්පූර්ණ එකක් වේවා: නෑයන් නැති දුගී වූ මාගේ මේ වස්ත්‍රය පිළිගත මැනවැ”යි කීය.

රහත් තෙරනම එය ද පිළිගෙන හංසරාජයකු මෙන් අහසට නැගී ආර්යයන්ගේ වාසස්ථානයට පැමිණියේය. සා පිපාසාවෙන් පෙළුණු ඈ මොහොතක් වාඩිවී සිට දුක ඉවසිය නොහැකිව මුර්ඡා වී බිම වැටුණි. හෙළදිව යම් පමණක් දේවතාවෝ වෙත්නම් ඒ සියලු දෙන ඒ දානයට පසසමින් සාධුකාර දුන්හ: “අහෝ ඉතා වටිනා දානයකි, දක්ෂිණාර්හයන් කෙරෙහි ආහාරයද සළුව ද දී ජීවිතය පරිත්‍යාග කරන ලදැ”යි, ඉක්බිති ඒ ශබ්දය ඇසූ සක්දෙව් රජ ඇයට සාත්තුසප්පායම් පිණිස විශ්වකර්මයා යැවී, දෙව්රජු විසින් එවන ලද හෙතෙමේ ලෝම කූපයන්හි දිවෙය්‍යීජස් බහා ඇය සුවපත් කෙළේ ය.

විශ්ව කර්ම තෙමේ සුවපත් වූ ඇය දෙවඟනක් මෙන් සරසා ඒ කාරණය ප්‍රකාශ කරමින් අහසින් නුවරට ගියේය. ඒ ශබ්දය අසා ද්විපාධිපති වූ රජ ඇය තමාගේ භාර්යා තනතුරෙහි තැබීම සඳහා ගෙන ඒමට රථයක් යැවීය. ඈ එහි ජීවත්ව සිටිතාක් රජු සමඟ සම්පත් අනුභව කොට නොයෙක් පින් රැස්කර ගෙන පිදිය යුත්තන් පුදා ආයුෂය ගෙවී ගිය කල්හි භික්ෂූන්ට මෙසේ කීය:

චාතුර්මහාරාජික – තාව – තිංසාදි දෙව්ලෝවලින් ආ රථ මෙහි තිබෙත්. ස්වාමිවරුනි, කොතැන්හි ඉපදීම යහපත්ද? ලෝක හිතෛෂීන්ට කවර තැනක් වාසත්ථානවීද? කොතැනක උගත් දෙවියෝ නිතර ධර්මශ්‍රවණය හා ඝෝෂණය කරත්ද? “තුසිතපුරය පුරුෂෝත්තමයන්ගේ වාසස්ථානයකි. එහි හැමකල්හි ධර්ම ශ්‍රවණය පවතී. ඒ තුසිත දෙව්ලොවෙහි ඇලීම කරව.” ඒ දේවී තොමෝ එක්කළ දෙ අත් නැමති පියුම හිසමත තබාගෙන බුද්ධපුත්‍රයන්ගේ කීම අසා තුසිත පුරයෙහි ඉපදීමට කැමති විය. අප්‍රමේය ගුණයන්ට වාසස්ථාන වූ මනා කෙතෙහි දක්ෂ ජනයෝ පින් නැමැති බීජ වපුරති. ඔවුහු බොහෝ කලක් දෙව් මිනිස් සැප අනුභව කොට පසුව නිවන් සැපද ලබත්.

බුද්ධානුශාසනය පිළිපදින්නා වූ අප්‍රමේය ගුණ ඇති යම් කෙනෙක් වෙත් නම් ඔවුහු බොහෝ භය ඇති සංසාර සාගරයෙන් එතෙරව අමෘතය නමැති මී පැණි අනුභව කරත්.

පේනව නේද පින්වත් නංගිය සිදුකරන පින්කමේ තරම.  මේ වගේ  පින්කම් සිදුකරන නංගියෙ. ඔයා බලාපොරොත්තු වෙනව වගේ කෝටි ප්‍රකෝටි වාර ගණනක් ඔයාගෙ ප්‍රාර්ථනාව ඉටුවෙනව.

පිරිකර පූජාව තුළින් ද මහත් වූ අනුසස් ලැබේ. ඒ අනුසස් අතර සසර උපදනා ආත්ම භාවයන්හිදී විෂ ඝෝර සර්පයන් ගෙන් ද මැසි මදුරු ආදී සත්වයන් ගෙන් ද හානි සිදු නොවන බවත් එසේම හොරි දද වණ කුෂ්ට කඩුවේගන් පිළිකා සමාජය පිළිකුල් කරණ දරුණු රෝගී තත්ත්වයන්ගෙන් වන දුක් කරදර සිදු නොවන බවත් කණු කටු උල් ආදිය ඇණීම නිසා වන හානි වැළකෙන බවත් පණ්ඩක නපුංසක ආදී තත්ත්වයන්ට මුහුණ පෑමට සිදු නොවන බවත් දැක්වේ. දෙව් මිනිස් දෙගතියෙහි උපත ලබා සැප විඳීන්න අවස්ථාව උදාවෙන බවද දැක්වෙනව.

අනිත් කාරනේ මේ පිරිකර දුන්නෙ බොහොම දුගී දුප්පත් උදවියට. සමහර අය සිල් ල්ලඑන්නෙ පාට ඇදුමින් සැරසිල. ඒ තරම්ම දුප්පත් අය. ඉතින් බලන්න මොන තරම් උත්තම පින්කමක්ද මේ.

ඉතින් මේ පින්කමේ අනන්ත අ‍ානුභාවයේ බලයෙන් නංගියගෙ දෙමාපියන්ට ඉක්මනින් සත්‍යය වැටහෙන්න කියල අපිත් ප්‍රාර්ථනා කරමු. ඒ අයට නිදුක් නිරෝගී චිර ජීවනය ලැබේවා … නංගියගෙ මියගිය ඥාතීන්ට පින් ලැබිල ඒ ඇත්තො දුකින් ඉන්නවනම් සැපතටත් සැපෙන් ඉන්නවනම් තව තවත් සැපතටත් පත්වේවා.

ඒ වගේම නංගියගෙ ජීවිතය තව තවත් සාර්ථක බවට පත්වේවා. පුංචි පුංචි කරදර බාධක කොයි ජීවිතේටත් පොදු දේවල්. ඒ උනත් මේ මහ පින්කමේ බලයෙන් නංගියට සියලු දුක් කරදර සංසිදේවා. සියලු පැතුම් ඉටුවී මත් නිවනින් සැනසෙන්න හේතුවාසනා වේවා.

මේ පින්කම සිදුකිරීම තුලින් මෙවන් පින්කම් වැඩි වැඩියෙන් සිදුකරන්නට ශක්තිය මා වෙත ලැබේවා. ඉදිරියේ දී සිදුකරන්නට බලාපොරොත්තුවන ලෝක ශාසනික සේවා සියල්ල අතිශයින් සාර්ථක වේවා. සසර කථරේ අතරමං වී නිරා දුක් විදින අසරණ සත්වයන් නිවන් මගට රැගෙන යාමට මා පතන බෝධියෙන් අමා මහ නිවනම අත්වේවා.

චායාරූප නරඹන්න

Sil redi

Sil redi – Nilgala