මහ වැසි පරදවමන් මියුගුණ මහා සෑයට මහා කප්රුක් පූජාව සිදුකල වගයි ... - IFBC Organization | Our Projects

Posted by | October 29, 2015 | All Posts | No Comments

2015 ඔක්‍තෝබර් 27  වැනි දින අපි මියුගුණ  මහ සෑයට මහා පූජාවත් සිදු කලා. ඒ මියුගුණ මහා සෑයට, අටපිරිකර පූජාවත්  සමග මහ සෑයට කප්රුක් පූජාවක් සිදු කිරීමයි. මේ වෙනුවෙන් පහත පින්වත් කළණ මතුරු මිතුරියන් දායකත්වය ලබා දුන්නා.

එන් හේරත් මිය රු 10,000.00
ක්‍රිශාන්ත ගමගේ මහතා රු 10,000.00
මහේෂ් ශ්‍රී ලාල් මහතා රු 8,000.00
පුබුදුනි අක්කා රු 7500.00
ඉන්දික දැකුම්පිටිය මහතා රු 5110.00
රොෂාන් ප්‍රගීත් මහතා රු 5000.00
තනුජ විජේසිංහ මහතා  රු 5000.00
සමීර අබේවික්‍රම මල්ලි රු 3500.00
නම් සදහන් නොල අයෙක් රු 3000.00
සචිත් දිසානායක මහතා රු 2000.00
හිරන්ත මදුසංක මහතා රු 1000.00
දුමින්ද ජයසේන මහතා රු 1000.00
තිළිණි ගමගේ නංගී රු 500.00

———————————————

ලද මුදල                       61610.00

වියදම්

කප්රුක සදහා රු 10800.00

අටපිරිකර සදහා රු 25,000.00

බස්රථය සදහා රු 25,000.00

උදෑසන ආහාරවේල රු 2510.00

විහාරස්ථානයට පරිත්‍යාගය රු 5500.00

————————————————-

මුලු වියදම රු 68810.00

වෙනස

ලැබීම් 61610.00

වියදම් 68810.00

———————–

හිග මුදල රු 7200.00

හිගමුදල බෞද්ධ සන්නිවේදනය සදහා වූ ජාත්‍යන්තර පදනම විසින් ප්‍රතිපූර්ණය කලා.

හොදයි. මේ පින්කමේ අනුසස් මොනවාද ?

 සර්වඥ ධාතුන් වහන්සේලා තැන්පත් කොට ඉදිකර ඇති චෛත්‍යයන් වන්දනා කිරීමේ දී, සැදැහැවත් බෞද්ධ ජනකාය අතීත යුගයේ සිට ම නොයෙක් පුද පූජා පිළිවෙත් අනුගමනය කරමින් බුදුරජාණන් වහන්සේට තම අපමණ සැදැහැ බැති පෙම පළ කළ අයුරු වර්තමානයේ සිදුකරනු ලබන පුද පූජාවලින් ද වටහාගත හැකි ය. සෑ මළුවේ සිවු කොණේ පිහිටුවා ඇති වාහල්කඩ හා බුදු කුටිවල ද පුදසුන් මත ද මල් පහන් හා සුවඳ දුමින් පුද පූජා පවත්වන අයුරු දිනපතා දැක්ක හැකි ය. සෑ මළුවේ සිදුකරනු ලබන මෙම පුද පූජාවලට අමතරව ස්තූපයේ පේසාවළලූ වටා මෙන් ම ස්තූප ගර්භය වටා ද, විවිධ පුෂ්පමාලා දාම, විදුලි බුබුළු, සැරසිලි මෙන් ම කාෂාය වස්ත‍්‍ර හා ෂඞ්වර්ණ රෙදි පිළි (බෞද්ධ කොඩි) පලඳවා, වන්දනාමාන කිරීම වර්තමානයේ බෙහෙවින් දක්නට ලැබේ. චෛත්‍යයේ ගර්භය වටා කාෂාය සිවුරක් හෝ ෂඞ් වර්ණ කොඩි ඇතුළත් පලඳනාවක් හෝ යොදා වන්දනාමාන කිරීම නූතන යුගයේ ඇතැම් දෙනා හඳුන්වන්නේ ‘කප්රුක් පූජාව’ වශයෙනි. අනුරාධපුරයේ මහා ථූපය කරවූ ගැමුණු රජතුමාට තම ජීවිතයේ අවසාන කාලය ළංවන විට එය නිම කළ හැකිවූයේ සතරැස් කොටුව දක්වා පමණි. මිය යෑමට පළමු මහා සෑය නිමවා සම්පූර්ණ වූ විට පෙනෙන ආකාරය දැක ගැනීමේ බලවත් ආශාවක් රජතුමා තුළ ඇති විය. රජුගේ මල් සද්ධාතිස්ස කුමරු රජුගේ අභිලාෂය මුදුන්පත් කරනු සඳහා කටයුතු යෙදූ අයුරු මහාවංශය සඳහන් කරන්නේ මෙසේ ය; ‘මෙකුමරු සන්නාලින් ලවා සුදු පිළියෙන් සැට්ටයක් (කඤ්චුකයක්) කරවා එයින් සෑය වැස්වී ය. සිත්තරුන් ලවා ඊ මත වේදිකාවක් (ගරාදිවැට) ද පුන්කලස් පන්තීන් හා පංචාංගුලික පන්තීන් ද සිත්තම් කරවී ය. වඩුවන් ලවා හුණු දඬුමුවා ඡත‍්‍රය ද මුද්ධ වේදිකාවෙහි කරපත්මුවා හිර සඳ ද කරවී ය. මෙසේ කළ සෑය ලාකඩින් හා කංකුට්ඨක නම් දැයින් සිත්තම් කරවා සෑයෙහි කටයුතු කිස නිමියේ ය යි රජුට දැන්වී ය.’ (ශ්‍රී ලංකාවේ ස්තූපය, පරණවිතාන – 26 පිටුව) එය වූ කලී චෛත්‍යයක් වටා කඤ්චුකයක් ( නොහොත් කප්රුකක්) යෙදූ පළමුවැනි අවස්ථාව වෙයි. පසු කලෙක භාතිය රජු විසින් ද මහා ථූපය වටා කඤ්චුකයක් පලඳවා පුද පූජා පෙරහැර පැවැත්වූ බවට වංශ කතා ඇතුළු බෞද්ධ සාහිත්‍ය ග‍්‍රන්ථ සාක්ෂි දරයි. කණ්ඨක සෑයේ පේසා වළලූ වටා ගඩොලින් කඤ්චුකයක් ඉදි කොට ස්තූපය ශක්තිමත් කළ බවත්, අනතුරුව තවත් රජෙකු විසින් ශෛලමය කඤ්චුකයක් යොදා එය විශාල කොට තහවුරු කළ ආකාරය ද පුරාවිද්‍යා ගවේෂණයන්ගෙන් හෙළි කරගෙන ඇත. මහා දාඨික මහානාග රජතුමා මහා ථූපයේ වෘත්තාකාර මාලකය වටා ශෛලමය පුෂ්ප දානයක් කළ බව වංසත්තප්පකාසිනියෙහි දැක්වෙයි. එය පද්මයක් විකසිත වන්නාක් මෙන් නිර්මිත වූ බව ‘පදුම විකසිත කිඤ්චික්ඛ පාසාණෙ’ යන යෙදුමෙන් හෙළි වෙයි. අතීත යුගයේ සිට ම රාජකීය ප‍්‍රභූන් ඇතැම් සැදැහැවත් ජනතාව විසින් මහ පෙරහැර පවත්වා චෛත්‍යයන් පැදකුණු කොට දාගැබ වටා පලඳවන ලද කඤ්චුකයන්, දේවතා රූප, පද්ම – හංස – හස්ති හා මල්කම් මෝස්තරවලින් යුතුව පැවති බව ඒ පිළිබඳව දැක්වෙන වර්ණනාවලින් හෙළි වෙයි. ස්තූපයේ පේසාවළලූ දිගේ ද ගර්භය වටා ද පුණ්‍ය සංකේත ඇතුළත් කඤ්චුකයන් පැලඳවීමේ සිරිත නූතන යුගය දක්වා ම විකාශනය වෙමින් පවතී. චෛත්‍ය වන්දනාව සඳහා යොදා ගනු ලැබූ එකී පලඳනාව විවිධ නම්වලින් කලින් කල හඳුන්වා තිබිණ. ‘ආයාග පට’ නම් කඤ්චුක පලඳනාවක් කළ චෛත්‍ය පූජාවක් ගැන අපදානපාළි ධර්ම ග‍්‍රන්ථ පාඨයකින් අනාවරණය වෙයි. ‘භට්ඨො භට්ඨෙන චිත්තෙන අවන්දිං ථූපමුත්තමං වඞ්ඪකෙහි කථා පෙත්වා මූලං දන්වාන’හං තදා භට්ඨො භට්ඨෙන චිත්තෙන ආයාගං කාරපෙය්යහං දුග්ගතිං නාභි ජානාමි ආයාගස්සං ඉදං ඵලං’ ‘තුටු පහටු සිතින් යුතුව බුදුරජාණන් වහන්සේගේ උත්තම ස්තූපය වන්දනා කළෙමි. නිර්මාණ ශිල්පීන්ගෙන් (වඞ්ඪකෙන) උපදෙස් ගෙන වියදම් පිරිමසා ආයාගයක් කරවා ලීමි. එම ආයාගය හේතු කොට ගෙන මම අගතියක ඉපදීමක් ගැන නො දනිමි. මේ වූ කලී එම ආයාගය පැලඳවීමේ ප‍්‍රතිඵලයයි’ එකී උදානය පහළ කරන ලද්දේ මේ මහා භද්‍ර කල්පයෙහි ආයාගයක් (කඤ්චුකයක්) දානය කිරීමෙන් රහත් ඵල ලැබීමට හේතු වාසනා ලද එක්තරා තෙරනමක විසිනි. ලංකාවේ පැරණි සෙල්ලිපිවල ‘අයක’ නමින් හැඳින්වුණ මෙම චෛත්‍ය සැරසිල්ල පැරණි ඉන්දියාවේ ඇතැම් ස්තූපයන්හි ද යොදා තිබුණේ යයි, පුරාවිද්‍යා සාක්ෂි පරීක්ෂා කිරීමෙන් පසුව මහාචාර්ය පරණවිතානයෝ පෙන්වා දුන්හ. ( උපුටාගන්නා ලදි.)

 කප්රැක සහ කංචුකය යන වචනය පිලිබද නොයෙක් ගැටලු පැවතින බවද සිහිපත් ක යුතුය.

ඉතින් මියුගුණ සෑය‍පෙලදන ලද කප්රුක සත් දිනක් තිස්සේ පිරිත් කලා. ධරග්ග සූත්‍රය, මහා මංගල සූත්‍රය, රතන සූත්‍රය, කරණීය සමත්ත සූත්‍රය ආදියෙන් කප්රුක දිල හතක් පිරිත් කරලයි පැලදුවෙ.

 ඉතින් මේ පින්කම වෙනුවෙන් වෙහෙස මහන්සි වූ සියලු දෙනාටම බෙහෙවින් ස්තුතියි වන්ත වෙනව.

එන්. හේරත් අක්ක තමයි කප්රුක් පූජවේ කප්රුක වෙනුවෙන් මුදලින් කොටසක් වෙන් කලේ.

අක්ක නිරන්තරයෙන්ම අපිට බොහෝ පින්කම්වලට දායක වෙනව. මම හිතන්නෙ මා එක්ක කථා කරල තියෙන්නෙත් කිහිප දවසක් පමණයි. ඒත් වැඩි ශබ්දබද්ද නැතිව හැම පින්කමකටම දායක වෙනව. විශේෂත්වය වන්නේ අක්කගෙ නම පවා සදහන් කරන්නට අකමැති වීමයි. බොහොම නිහඩව තමයි අක්ක පින්කම් කරන්නෙ.

ක්‍රිශාන්ත මහතා බොහොම මෑතකදි අපි එක්ක සම්බන්ධ උනත් එතුමා බොහෝම සතුටින් උනන්දුවෙන් මේ පින්කම් වලට සම්බන්ධ උනා. එතුමා අපි දකින්ව තියා දුරකථනයෙන්වත් කථා කරන්නෙ නැතිව තමයි අපිට මේ පින්කම් සදහා මුදල් ලබාදෙන්නෙ. බොහොම ශ්‍රද්ධාවෙන්.

මහේෂ් ශ්‍රීලාල් මහතාත් මේ ඉමෑතකදි අපි එක්ක සම්බන්ධ උනත් එතුමාත් බොහොම උනන්දුවෙන් මේ පින්කම්වලට අපි හා සම්බන්ධ උනා. එතුමා විශේෂයෙන්ම ස්වාමීන්වහන්සේගේ පිරිකර වෙනුවෙන් පූජාකරන්නයි මේ පරිත්‍යාගයන් සිදුකලේ. එතුමා විසින් දන්වා සිටියේ සමගිගම,මිල්ලත්තෑවෙ පදිංචි…… ප්‍රේමදාස ස්ටෝර්ස් වෙළෙඳසල් අධ්පති… පියා M.R ප්‍රේමදාස මහතා … මව R.M ජයරානී රත්නායක යන අයගේ සංසාර දුක නිවා ගැනීම පිණිස මේ පින්කම සිදුකරන බවයි.

 පුබුදුනි අක්කත් තමන්ගෙ නම සදහන් කරන්න අකමැති උනත් සෑම පින්කමකටම නොඅඩුවම දායක වෙන තැනැත්තියක්. මගෙ මතකය නිවැරදිනම් අක්ක මා එක්ක ලක්ෂ 10කට වැඩි පින්කම් ප්‍රමාණයක් කරල තියෙනව. නිරන්තරයෙ අක්ක මේ සියලු පින්කම් වලට මහා ශක්තියක් ලබාදෙනව.

ඉන්දික මහතාත් මෑතකදි හදුනාගත් බොහොම හොද කල්යාණ මිත්‍රයෙක්. අපි සමග නිරන්ත‍රයෙන් කථාබහ කරල පින්කම් වෙනුවෙන් නොමද සහයක් ලබාදෙනව. හොද කළළණ මිතුරන් නිරන්තරෙයෙන්ම අපිට ලැබීම භාග්‍යයක්.

 රොෂාන් මහත්තය සමග පවුලේ සියලුදෙනාගෙ නම සදහන් නොවන පින්කමක් නැති තරම්. හැම පින්කමක් වෙනුවෙන්ම අඛණ්ඩ සහයක් ලබාදෙනව වගේම නිරන්තරයෙන් පිනටම නැඹුරුවුන අතක් තියෙන බව අපි හොදින්ම දන්නව. පින්කම් වෙනුවෙන් පමණක් නෙවෙයි. පුද්ගලිකව පවා අපි ගැන හොයල බලන හොද කළණ මිතුරෙක්.

 සමීර මල්ලිත් හැම පින්කමකටම පුලුවන් විදිහට දායක වෙන මල්ලියෙක්. නිරන්තරයෙන්ම අපි කථා කරන බොහොම හොදින් තමන්ගෙ තරුණ කාලය දනට පිනට යොමු කරන පිවත් මල්ලියෙක්.

 සචිත් මල්ලිත් අපිට කථා කරන බොහොම හොද යාලුවෙක් මල්ලිත් අපිට පින්කමට ලොකු දායකත්වයක් ලබාදුන්නා.

 හිරන්ත මල්ලිත් නිතර අපිට මුදල් තැන්පත් කරන මල්ලියෙක්. මල්ලි මුදල් එවන්නෙ “ මොකක් හරි පින්කමකට ගන්න” කියලයි. ඔබ අපි ගැන තැබූ විශ්වාසයට අනේක වාරයක් පින්සිදු වෙනව.

 දුමින්ද මල්ලිත් මේ වතාවෙ අපි එක්ක සම්බන්ධ වෙලා මේ වැඩ වනලට ලොකු දායකත්වයක් ලබාදුන්න. මල්ලිත් අපිට නිරන්තරයෙන් කථා කරන හොද කළණ මිතුරෙක්.

 තිළිණි නංගියත් මහා පින්කමක් කරගත්ත නේද? තම තමන්ට පුලුවන් විදිහට නංගිත් හැම වරකම කීයක්හෝ එවනව. මම හිතන්නෙ ලක්ෂ ගාණක් දුන්නටත් වඩා හොද ශ්‍රද්ධාවකින් නංගි මුදල් එවන්නෙ. දෙන මුදලට වඩා වැදගත්වෙන්නෙ හිතේ ශ්‍රද්ධාවෙන් ඒක කරන එකයි.

 මෙයට අමතරව මේ පින්කම වටා සුවිශාල පිරිසක් ඒකරාශී වී සිටියා

 මෙවන් මහ පින්කමක් සිදුකල ඔබ සියල්ලන්ගේ  නමින් පරලොව ගිය වරිග පරම්පරාවේ සියලු ඥාති හිතමිත්‍රාදීන් මේ මහ පින්කමේ අනුහසින් දුකින් මිදී සැපවත් ජීවිතම ලබත්වා. ඔබවන් දරුවන් බිහිකල පින්වත් මවු පිය දෙපලටත් මේ පින ඒකාකාරවම ලැබේවා. ඒ අයත් නිවන් දක්නා ජාති දක්වාම සැපවත් පින්බර මෙන්ම කිසිදු අපහසුවකින් තොරව තමන් පතන බෝධියෙන් පාරමී ධර්ම සපුරාගන්නට මේ පින් හේතුවාසනා වේවා.

 අඹු දරු, සොයුරු සොයුරියන්ටත් මේ පින් හිමිවේවා. විශේෂයෙන්ම පුංචි දූ පුතුන්ට දිවිමගේ සිදුවන දුක් කම්කටොලු බාධා දුරුකරගන්නත්, නොයෙක් ග්‍රහ අපල කරම් බලවේගයන් බිද දමමින් ජවයෙන් ශක්තියෙන් ඉදිරිය‍ට යන්නත්, සසර පුරා යම් අකුසලයක් සිදුකොට ඇතිනම් ඒ සියල්ල යටපත් කරගන්නත් සසරේ සිදුකොට ඇති කුසල් ඉල්ලම් මතුවන්නටත් සියලු දෙවි යන්ගේ ආරක්ෂාව ලක්වන්නටත් මේ පින් හේතුවාසනාවේවා.

 මේ පින්කම සිදුකල සිදුකල ඔබ සියලු දෙනාගේ පවුලේ සියලු දෙනාටමත් මේ පින් බලයෙන් සසර පුරාවටම නිදුක් නිරෝගී ජීවිතයක්ම උදාවේවා. පින්කමේ අනුහසින් නිවන් දක්නා ජාති දක්වාම ඔබ ලබාදෙන වතුර වීදුරුව පවා තව කෙනෙකුට ඖෂධයක් වේවා නිවන් දක්නා ජාති දක්වා ඔබට පඨයි, ආපෝ,තේජෝ,වායෝ ධාතූන්ගෙන් ( උණුසුම හෝ දිරුරේ උෂ්ණය ) කිසිදු පීඩාවක් නොවේවා. ගින්නෙන්, ජලයෙන්, සුලගින් නිරන්තර ආරක්සාව ලැබේවා. කිසිදු කලෙක සසර පුරාවට නැහැ බැහැ කියන වචනයක්වත් අසන්නට නොලැබේවා. තව තවත් කුසල සිත්පහලවේවා. උපදින හැම භවයකදීම සද්ධර්මයෙන් පිරිපුන් පරිසරයකම උත්පත්තිය සිදුවේවා. පංචශීලයටම, දස කුසලයකටම සිත නැඹුරුවේව‍ා. කිසි කලක මිත්‍යාදෘෂ්ටික පාප මිතුරන් අසුරටවත් නොලැබේවා. සසර පුරාවටම කල්‍යාණ මිත්‍ර සම්පත්තියම ලැබේවා. මේ භවයේ පටන් සසර පුරාම ජීවිතයේ සියලු අභියෝග හමුවේ නොසැලී සිටීමටත්, ඒ අභියෝගයන් ජයගැනීමටත් හැකියාව ලැබේවා.  මෙවන් පින්දහම් වැඩිවැඩියෙන් කරගැනීමට පින්සිත් පහලවේවා. පින් උල්පත්, ධන උල්පත් පහලවේවා.

ත්‍රිවිධ රත්නයේ ආශිර්වාදයේ බලයෙන්, ජයශ්‍රී මහබෝ සමිදු බලෙන්, රුවන් වැලි මහ සෑ රජුන්ගේ බලයෙන්, තව්තිසා දෙව්ලොව සිලුමිණ සෑ ආනුභාවයෙන්, කේෂධාතූන් වහන්සේ, ලලාට ධාතූන් වහන්සේ,ග්‍රීවා ධාතූන් වහන්සේ, අකු ධාතූන් වහන්සේ, සතර දලදා වහන්සේ, ආනුභාවයෙන්, සතර ශ්‍රීපාදස්ථානයේ ආනුභාවයෙන්, බුද්ධගයා බෝධීන් වහන්සේ හා වජ්රාසනයේ ආනුභාවයෙන්, තුන්ලෝකය පුරා වැඩ සිටිනා බෝධීන් වහන්සේ, ප්‍රතිමා වහන්සේ, සෑරදුන් වහන්සේලා, සියලු සර්වඥ ධාතූන්වහන්සේලාගේ ආනුභාවයෙන්, විශ්වයේ පහලවූ සියලු බුදු, පසේබුදු, මහරතුන් වහන්සේලාගේ ආනුභාවයෙන්, තණ්හංකර, දීපංකර, මේධංකර, කොණ්ඩඤ්ඤ, මංගල, සුමන, රේවත, සෝභිත, අනෝමදස්සී, පදුම, නාරද, පදුමුත්තර, සුනීත, සුජාත, පියදස්සී, අත්තදස්සී, ධම්මදස්සී, සිද්ධත්ත, තිස්ස, ඵුස්ස, විපස්සී, සිඛී, වෙස්සභූ, කකුසද, කෝණාගමනථ කාශ්‍යප, ගෞතම යන බුදුවරුන් වහන්සේලාගේ බුදුවරයෙකුට පවා කල්පයකින්වත් කියා නිමකල නොහැකි අසම සම, අනන්ත, බුදුගුණ බලයෙන්ද පුතාගේ මතු අනාගතය අතිශයින් සාර්ථක වේවා. මතුබුදුබව පතා තව්තිසා දෙව්ලොව වැඩවසන්නාවූ අසම සම, මහා කාරුණික, යම් දිව්‍ය රාජයෙක් වේද මෛත්‍රී නම් වූ ඒ දිව්‍යරාජයන් වහන්සේද, සක්දේව රාජෝත්තමයානන් වහන්සේද, මාතෘ දිව්‍ය රාජයන් වහන්සේද, රන්වැලි මහ සෑරදුන් ඉදිකලකල, රට ජාතිය එක්සේසත්කල, සම්බුද්ධ ශාසනයට අපරිමේය සේවයක් සිදුකල මතු බුදුවන මෙත් බෝසතුන්ගේ දකුනත්සව් හා වමත්සව් වන දුටුගැමුණු, සද්ධාතිස්ස මහ දෙවියන්ද, ශාසනාරක්ෂක, ලෝකපාලක දෙවියන්ද විරූඪ, විරූපාක්ෂ, වෛශ්‍රවණ, දෘතරාශ්ඨ ආදී සතරවරම් දෙවියන්, මෙන්ම විශ්ණු, කතරගම, සමන්, පත්තිනි සතර මහා දෙවියන්ද නුවණට අධිපතිකම් කාරන්නාවූ ගණ දෙවියන්, ශිල්ප ශාස්ත්‍රයට අධිපති සරස්වතී ආදි දෙවියන් ඇතුලුව දැඩිමුන්ඩ, විභීෂණ, ලක්ෂ්මී, කලුදේවතාබණ්ඩාර ආදී තිස්තුන්කොටියක් දෙවියන්ද මේ පින් අනුමොදන් වෙත්වා. කෙළවර අමා මහ නිවනින් සැනසෙන්නට මේ පින හේතුවාසනා වේවා.

පින්කල සංවිධානය කල අපටත් සියලු සත්වයන්හට නිවන් මග පෙන්වමින් පැතූ බෝධියෙන් නිවනින් සැනසෙන්නට මේ පින් හේතුවාසනා වේවා.

මෙවන් මහ පින්කම් බලයෙන් අප පතන බෝධියෙන් නිවන් දකින්නටත් සසර කතරේ නිතර දුකින් පෙලෙන අසරණ සතුන්ට අමා නිවන්දොරටුව විවර කරදෙන්නටත්, මේ පින් බලය පාරමිතාවක්ම වේවා….

බෞද්ධ සන්නිවේදනය සදහා වූ ජාත්‍යන්තර පදනම වෙනුවෙන් මම එරන්ද ලක්මාල්ද සිල්වා.

 වීඩියෝව නරඹන්න

කප්රුක සත් දිනක් පිරිත්කල තැන් සිට පලදන අවස්ථාව දක්වා සියලු චායාරූප පහලින් දැක්වේ …

මහියංගණ කප්රුක් පූජාව 2015

මහියංගණ කප්රුක් පූජාව 2015

Leave a Reply

Your email address will not be published.

IFBC Home Page