තෙනුක දිවග්‍යද අල්විස් පුංචි පුතාගේ දෙවර්ෂ පූර්ණ උපන්දිනය දා අසරණ දරුවන් දසදෙනෙකු වෙනුවෙන් රු 28,300/- ක වියදමක් දරා ශිෂාදාර ලබාදුන් වගයි ... - IFBC Organization | Our Projects

Posted by | October 18, 2015 | All Posts | No Comments

අද (2015/10/18) දින කටාර් හි සේවයේ නියුතු රොෂාන් ප්‍රගීත් මහතාගේ සහ  සුමේදා මනතුංග බණ්ඩාර මහත්මිය යන දෙපලගේ තෙනුක දිවග්‍යද අල්විස් පුංචි පුතුගේ දෙවර්ෂ පූර්ණ උපන්දිනය දා ආර්ථික අපහසුකම් ඇති අසරණ දූ දරුවන් දස දෙනෙක් වෙනුවෙන් ශිෂාධාර ලබාදුන්නා.

ලද මුදල රු 28300.00

වියදම්

පාවහන් සදහා වියදම රු 8999.00

පාසැල් පොත් සදහා වියදම රු13662.80

පාසැල් නිල ඇදුම් රෙදි සදහා රු 4985.00

ප්‍රවාහන වියදම රු 650.00

———————————————-

මුලු වියදම රු 28296.80

රු 3.20 ක මුදල ඉදිරි පින්කම් සදහා බැංකු පොතේ ඉතිරිවනු ඇති.

 අද දින ත්‍යාග ලැබුවේ අසරණ දරුපැටව් දසදෙනෙක්. සමහර දරුවන්ට පොතක් පතක් ගන්න වත්කමක් නැති උදවියයි. සමහර ගෙවල් වලට විදුලි ආලෝකය නැහැත ලාම්පු එළියෙන් ජීවත්වෙන්නෙ. හරිම අසරණ දරුවන්. ඉතින් මෙවන් දරුවන්ට අත හිත ලබාදීම, මහා පින්කමක් වගේම රටට දැයට කරන මහා සේවයක්. ඒ දරුවන් ඉගෙනගෙන හොද පුරවැසියන් ලෙස රටට දැයට යම් සේවයක් සිදුකරාවි. එමෙ බැලුවොත් අපි කරල තියෙන්නෙ මහා සේවයක් වගේම රට දැය වෙනුවෙන් වටිනාම ආයෝජනයක්.

ඉතින් තෙනුක පුංචි පුතාගේ උපන්දිනය අදට යෙදී තියෙන්නේ. මේ පින් බලයෙන් පුංචි පුතාට නිදුක් නිරෝගී සුවබර නව වසරක් උදාවේවා. විශේෂයෙන්ම කායික මානසික පීඩාවන්ගෙන් තොරව සැපවත් ජීවිතයක් ලබන්නට මේ පින හේතුවාසනා වේවා. මේ ත්‍යාගයන් ලබාගන්නා පුංචි දුව පුතා ලබන්නා වූ සතුට බලන්න. පුංචි මුවග සිනාමල් පිපිල සතුට දෝරේ ගලනවා. ඒ සතුට සියදහස් වාරයක් වැඩිවී පුතාට ලැබේවා.. තබන තබන පියවරක් පාසා නොබියව, නොසැලී දුර දක්නා නුවණින් ඉදිරියට යන්නටත්, බාධක කම්කටොලු අවම වන්නටත් මේ පින හේතුවාසනා වේවා. ස්වාභාවිකව ජීවිතයකට එල්ලවන අභියෝග සාමාන්‍ය දෙයක් උවත් ඒ සියලු අභියෝගයන්ට අභීතව මුහුණදෙන්නට පුතාට මේ පින හේතුවාසනා වේවා. සසරපුරාවටම නැහැ බැහැ කියන වචනයක්වත් අහන්නට නොලැබේවා. නිවන් දක්නා ජාති දක්වාම ආයු,වර්ණ,සැප,බල,ප්‍රඥාවන්හි කිසිදු අඩුවක් නොවේවා. මෙපින් බලෙන් පුතාට ගැඹුරු ධර්මතාවන් පවා තේරුම් ගැනීමට නුවණ පහලවේවා. නිවන් දක්නා ජාති දක්වාම සද්ධර්මය ඇසෙන පරිසරයකම උපත ලබන්නටත්, සද්ධර්මය නොඇසෙන කාලයන්හිදී අඩුමතරමින් පන්සිල් රකින ප්‍රදේශයක උපත ලබත්වානිවන් දක්නා ජාති දක්වාම කිසිදු වස්තු සම්පතක් අඩු නොවේවා. කිසිදු කලෙක පිරිස් සම්පත් අඩුනොවේවා. සිත නිරන්තරයෙන්ම දහමට නැඹුරුවේවා , සසර පුරාම දන්දෙන්නට සිත් පහලවේවා, දුන්දෙයක කිසි කලෙක සිත් නොඇලෙන්නටත්, දන්දෙන්නට සිතන සෑම විටකම දානවස්තූන් පහලවන්නටත් මෙපින් හේතුවාසනා වේවා. ජයශ්‍රී මහබෝ සමිදු බලෙන්, රුවන් වැලි මහ සෑ රජුන්ගේ බලයෙන්, තව්තිසා දෙව්ලොව සිලුමිණ සෑ ආනුභාවයෙන්, කේෂධාතූන් වහන්සේ, ලලාට ධාතූන් වහන්සේ,ග්‍රීවා ධාතූන් වහන්සේ, අකු ධාතූන් වහන්සේ, සතර දලදා වහන්සේ, ආනුභාවයෙන්, සතර ශ්‍රීපාදස්ථානයේ ආනුභාවයෙන්, බුද්ධගයා බෝධීන් වහන්සේ හා වජ්රාසනයේ ආනුභාවයෙන්, තුන්ලෝකය පුරා වැඩ සිටිනා බෝධීන් වහන්සේ, ප්‍රතිමා වහන්සේ, සෑරදුන් වහන්සේලා, සියලු සර්වඥ ධාතූන්වහන්සේලාගේ ආනුභාවයෙන්, විශ්වයේ පහලවූ සියලු බුදු, පසේබුදු, මහරතුන් වහන්සේලාගේ ආනුභාවයෙන්, තණ්හංකර, දීපංකර, මේධංකර, කොණ්ඩඤ්ඤ, මංගල, සුමන, රේවත, සෝභිත, අනෝමදස්සී, පදුම, නාරද, පදුමුත්තර, සුනීත, සුජාත, පියදස්සී, අත්තදස්සී, ධම්මදස්සී, සිද්ධත්ත, තිස්ස, ඵුස්ස, විපස්සී, සිඛී, වෙස්සභූ, කකුසද, කෝණාගමනථ කාශ්‍යප, ගෞතම යන බුදුවරුන් වහන්සේලාගේ බුදුවරයෙකුට පවා කල්පයකින්වත් කියා නිමකල නොහැකි අසම සම, අනන්ත, බුදුගුණ බලයෙන්ද පුතාගේ මතු අනාගතය අතිශයින් සාර්ථක වේවා.

මතුබුදුබව පතා තව්තිසා දෙව්ලොව වැඩවසන්නාවූ අසම සම, මහා කාරුණික, යම් දිව්‍ය රාජයෙක් වේද මෛත්‍රී නම් වූ ඒ දිව්‍යරාජයන් වහන්සේද, සක්දේව රාජෝත්තමයානන් වහන්සේද, මාතෘ දිව්‍ය රාජයන් වහන්සේද, රන්වැලි මහ සෑරදුන් ඉදිකලකල, රට ජාතිය එක්සේසත්කල, සම්බුද්ධ ශාසනයට අපරිමේය සේවයක් සිදුකල මතු බුදුවන මෙත් බෝසතුන්ගේ දකුනත්සව් හා වමත්සව් වන දුටුගැමුණු, සද්ධාතිස්ස මහ දෙවියන්ද, ශාසනාරක්ෂක, ලෝකපාලක දෙවියන්ද විරූඪ, විරූපාක්ෂ, වෛශ්‍රවණ, දෘතරාශ්ඨ ආදී සතරවරම් දෙවියන්, මෙන්ම විශ්ණු, කතරගම, සමන්, පත්තිනි සතර මහා දෙවියන්ද නුවණට අධිපතිකම් කාරන්නාවූ ගණ දෙවියන්, ශිල්ප ශාස්ත්‍රයට අධිපති සරස්වතී ආදි දෙවියන් ඇතුලුව දැඩිමුන්ඩ, විභීෂණ, ලක්ෂ්මී, කලුදේවතාබණ්ඩාර ආදී තිස්තුන්කොටියක් දෙවියන්ද මේ පින් අනුමොදන් වෙත්වා. පුතාට සියලු දෙවියන්ගේ ආශිර්වාදය, ආරක්ෂාව, ආකර්ෂණය ලැබේවා. රට ජාතිය වෙනුවෙන්, සම්බුද්ධ ශාසනය වෙනුවෙන් මහා සේවයක් ඉටුකර උපන් බිමට ණය ගෙවන්නට පුතාට යෝධ බල යෝධ ශක්තිය ලැබේවා. කෙළවර අමා මහ නිවනින් සැනසෙන්නට මේ පින හේතුවාසනා වේවා. පින්කම සිදුකල දයාබර පියාටත් මවටත් මෙපින් බලෙන් ඒ අයුරින්ම ත්‍රිවිධ රත්නයේ ආශිර්වාදයත් දෙවියන්ගේ ආකරෂණයත්ලැබේවා. කෙලවර අමා මහ නිවනින් සැනසෙන්නට මේ පින් හේතුවාසනා වේවා. පින්කල සංවිධානය කල අපටත් සියලු සත්වයන්හට නිවන් මග පෙන්වමින් පැතූ බෝධියෙන් නිවනින් සැනසෙන්නට මේ පින් හේතුවාසනා වේවා.

 බෞද්ධ සන්නිවේදනය සදහා වූ ජාත්‍යන්තර පදනම – සසුන රකින දැය සුරකින සම්මා වායාමය …

පාසල් ශිෂාධාර

පාසල් ශිෂාධාර – රොෂාන් ප්‍රගීත් මහතා

Leave a Reply

Your email address will not be published.

IFBC Home Page